https://www.facebook.com/babyandpapa/posts/323177924534970
旅行第三天
囡囡如常好早叫醒潮爸及BB媽咪起身。而當日早上一定要早起，因為這一間酒店是包早餐。在去旅行之前，太太在網上做了很多資料蒐集，搵一些平靚正的酒店，包埋早餐就最好！出發前與當地的酒店溝通好，send them all of our food perferences，酒店後回覆「Ok」先會扑槌。而這一間不但包早餐，而且有一個outdoor嘅露台，可以一邊享受歐陸式早餐，一邊觀賞無敵海景。
早前check個地圖，發現白濱的各個景點，路程都相當接近，一日半日都可以玩曬，所以就去便利店買一些local的旅遊書，睇下仲有沒有其他特別的地方（景點 or 食店）可以去。在太太刨緊本旅遊書之際，潮爸就開始做咁啲Project（之後個星期要交）。這間酒店太太book了兩晚，所以我們比較輕鬆，因為唔駛執喼同埋唔駛趕住check out，如果而家要執喼執埋囡囡啲嘢（衫褲襪+奶泵），真係要執個幾鐘⏰。
做咁啲Project，太太又泵咗奶，又餵BB食咗奶。到下午，潮爸就先開車到附近一家好出名嘅市場。日本的農產品，在Citysuper賣得很貴的，在這裡都是普通街市價錢，有很多還是特價。潮爸買咗包車厘茄for 揸車時on the way食，藍莓（日本藍莓一般）及蜜瓜（1600yen半價）並請工作人員分成四份。那青玉蜜瓜雖不及夕張密瓜好味，但是都好甜好多汁。
行行下囡囡又眼瞓，用遮光布遮住囡囡瞓，而潮爸與太太就在Food court食lunch及品嚐價廉物美的蜜瓜。之後移玉步在隔離的精品店買些手信，等熱頭落咗，就去景點的第一站，白濱最出名的 -- 白濱沙灘。