https://www.facebook.com/babyandpapa/posts/323440311175398
旅行第三天（白濱沙灘）
之前一直都想帶囡囡去泳池/沙灘玩，但好多人都話泳池啲水唔乾淨，而沙灘又多人，不過呢啲都唔係問題，最主要係BB媽咪一路都買唔到件靚靚泳衣比BB著。而今次到和歌山的第一個驚喜，就係去白濱前太太再戰Outlet時，去Gap Kids買到一件深粉紅色，腰間有朵花花既泳衣比BB，而且淨返最後一件60cm，仲要特價。比完錢諗住走，點知在門口見到件蛤蚧衣，上面印有「Me + Dad = Love」，正正fit曬潮爸嘅湊b理念，唔理三七二十一，即刻買！再shop around，擸埋頂Gap kid帽。跟住先興致勃勃開車落白濱。
到到第三日，晏晝等啲熱頭落咗，同囡囡著起件沙灘戰衣，搽咗防曬，就落沙灘玩。在沙灘對面泊車，好貴1000円2hours，但真係近到過條馬路就到。落沙灘都係個challenge，因為唔會用孭帶，手抱住過馬路，仲要行落沙灘，如果囡囡扭計都幾呢hea。好小心咁行到岸邊，搵到個位置坐低咗，BB媽咪又連忙幫囡囡再搽防曬！囡囡未試過曬咁耐太陽，皺曬眉；又未玩過沙，好緊張咁握實曬個拳頭仔。放低咗囡囡喺啲沙上面，開頭都唔敢郁，過咗一兩分鐘，自己就用隻腳玩下啲沙，然後望住我哋笑。
坐咗喺度一陣，等囡囡熟習咗個環境，就行出小小玩水。潮爸抱實囡囡，慢慢放囡囡落去啲好淺嘅水，一放落去，可能啲水凍，即刻爆喊。但適應水溫後，好快就冇嘢。一有浪沖埋嚟，就抱起囡囡，backwash 後又放返落水玩。白濱沙灘，水清沙幼，如果與沖繩的沙灘相比，白濱沙灘就大好多，好多人都去玩水上單車或帶埋浮床去玩。玩完水，免得囡囡在outdoor矖太耐，在沙灘行一陣，影下相就返酒店稍作休息。
瞓返兩粒鐘，又出動出去搵野食。太太在local旅遊書找到一間西式餐廳，離酒店大概20分鐘車程。那間原來是比較Vintage feel，伯伯大廚着到好formal，帶住高高嘅廚師帽親自下廚。隔離枱遇到一家日本人，會講少少英文，很友善地協助我們做翻譯，幫手點菜，之後仲過嚟同囡囡玩。言談間知道佢地嚟過一次香港，機票同酒店都幾貴（他們說 ~160,000Yen），所以好難先嚟一次。
因為翌日要轉酒店，所以早點回去酒店執行李。BB去咗沙灘玩都好攰，沖完涼就即刻瞓咗。