https://www.facebook.com/babyandpapa/posts/324199544432808
和歌山景點
來到白濱第四日，潮爸才真真正正帶囡囡去旅遊景點。早上起身，再食個歐陸早餐，洗曬奶樽，執好行李，就開車落景點。囡囡好似知道去景點咁，上車前勁拍腳仔，囡囡除了第一晚有少少扭計，都好鍾意跟住潮爸及太太周圍去，好鍾意坐個car seat，同埋BB媽咪平日要返工，好少連續幾日都見到，成日都可以黏住媽咪。開車唔夠2分鐘，太太突然嗌停車，跟住說：「原來喺度！」之前掛住搵路，無時間留意路旁的店鋪，呢幾日揸到熟咗，太太就即刻搵到間正野 買咗兩件那間洋菓子人氣No. 1嘅蛋糕，唔好等，即試，果然No. 1!!
太太在後座睇景色地圖，潮爸睇GPS。第一個要去的是円月島。旅遊書通常以少少誇張嘅手法去描寫景點，而這円月島，大家可評價一下其獨特之處。潮爸只在路旁停低車，拍幾張照片。白濱的景點s比較近，不到10分鐘，就到了名勝「千畳敷」。車剛好拍在精品店的門口，那就先入去涼涼冷氣，睇下野先。順便買返啲手信返香港。囡囡又好似平時行超市咁，好high！和歌山其中一樣著名的特產，就是「梅」，潮爸一口氣買咗十多包唔同款嘅梅（乾+濕」，上車食及當手信。上到精品店的二樓，可以從高處眺望千畳敷的美景。海浪猛烈地撞向沿岸的石壁，澎湃的聲音都頗為震撼。拍了一些videos後，潮爸一家就落去近距離感受那種澎湃。打算在「千畳敷」前面自拍，但剛好有班香港人在旁，他們見到囡囡，見到咁細個BB好開心，他們幫我們拍個照後，就行到去岸邊，再更加近距離感受大自然的力量。
日本的太陽雖然沒有香港的那麼猛烈，但都不能停留在ourdoor太耐。返到車，太太就刨local的旅遊書，找一些比較特別的餐廳。餐廳與出發點大概要半粒鐘，太太問可唔可以在車內泵奶？潮爸答道：「梗係得啦！買個Free Style奶泵，都係預咗portable咁用。」於是餵餐RTF，用遮光布遮住car seat，等囡囡瞓咗，set好GPS就出發！去到附近GPS話到咗，但見唔到，可能太多小路。潮爸兜咗差不多10分鐘，終於去到那有無敵海景的餐廳，點知，唔知點解無人？那沒有辨法，只好到附近四處找。日本好多餐廳的lunch都是12-3pm，而那時都已2:15pm，去第二間都冇得食。之後去咗間日本快餐店，簡簡單單食咗就算。點知店員見到囡囡，就對我哋照顧有加，set好曬「TaTaMe」比我地坐，仲幫我哋搵埋食物，又斟埋水，一路望住囡囡Kawaii Kawaii。臨走前同佢哋影咗張相留念。
那一餐食物是最簡單，但是是係招呼最好的一餐。
食完就去超市掃貨，掃潮爸嘅飛佛POCARI