https://www.facebook.com/babyandpapa/posts/324619964390766
旅行生活化（和歌山景點 • 續）
每次去日本旅行，第一：會用mileages 換機票；第二：太太會用很多時間做準備，搵好多平靚正有特式嘅酒店or民宿，第三：盡量將旅程生活化，嘗試以旅行去做到真正的relax，狂追景點，會令到去旅行仲辛苦過返工。
去到日本，太太都會找一間salon，等潮爸剪咗髪先返香港。之前試過日本嘅QB House（1000円）和其他local髮型屋，髮型師比香港的專業得多，剪完都好滿意。So far在日本去過既Salon，洗頭的sink是在前面，洗頭唔係瞓喺度，係向前彎低身洗。今次由老板娘親自操刀，手勢非常純熟及專業，不消半刻鐘就攪掂。在言談之間，出奇地知道老闆娘的英文都幾流利，女兒在澳洲讀書，而且今年畢業。在剪髮的時間，太太就抱住BB，在隔鄰的Cafe嘆咖啡。
剪完髮，爽曬！跟住就去另外一間溫泉酒店check-in。原來酒店，就在白濱沙灘的另一邊。出咗去半日，都要比囡囡休息下。等到夜晚食完飯浸下溫泉，唔再出去。（BB唔浸溫泉，BB皮膚比較薄，對溫度都好sensitive，只有大人去浸）晚上用過晚膳，酒店人員叩門問我們有甚麼需要？她拿着一張海報，說那星期剛巧是「花火節」，在白濱沙灘放煙花，並說個我們這樣的年輕couple，一定會喜歡，很浪漫！怎知囡囡突然醒咗，她很surprised：「Oh！Baby，Kawaii！You two have baby already，sorry sorry！」潮爸看看海報，八點鐘開Firework show，跟酒店人員said Thank You，然後就馬上抱埋囡囡出去睇花火！未跑到沙灘，已經聽到「噗！噗！噗的花火聲！」好正！聲音好近！跑到沙灘，原來花火就在沙灘前不遠的地方放。潮爸不敢走得太近，並用手輕蓋着囡囡的耳仔，因為怕囡囡會因為花火聲太大會嚇親，怎知花火不斷在放，囡囡一啲都唔驚，仲眼定定咁望住。
燦爛的花火很快就完結，潮爸及太太都很感恩，近距離感受到這可遇不可求的「花火節」。