https://www.facebook.com/babyandpapa/posts/325438934308869
盛夏之桃 (旅行第5天)
那一晚的酒店，是日本傳統的「Tatami」，有些人可能瞓唔慣，會覺得好似瞓地咁，又要自己鋪床，起身又要收返張床。但囡囡好似勁鍾意Tatami，朝早一起身，就係咁用度手指抓張Tatami，整到「刮刮聲」，跟住就自己喺度笑，而且好似成張Tatami都係佢瞓曬咁，好開心！
啲行李一日比一日重，買下呢樣，買下嗰樣..... 執咗成個鐘喼，終於出發進入第五天的行程。一出返大路，就見到有間郵便局，太太馬上就叫潮爸停車，等囡囡喺白濱寄張前兩日喺「千畳敷」買嘅postcard比契媽，在postcard上蓋過白濱的郵印，就寄予在遠方旅行的思念，給在香港忙得不可開交的契媽。
離開郵便局，到達白濱另一著名景點「三段壁」。又一次聽到澎湃的海浪撞向石壁的聲音。在牌扁拍照，又遇到香港人，今次那個family，帶着4歳的小朋友到日本旅行，小朋友見到囡囡：「咁細個都帶嚟旅行，好得意呀！」之後潮爸就幫他們影family picture，佢哋又幫返我地影。跟住就去精品店買咗1000円手信，停車場話在精品店購物滿1000円，500円的停車場費就有得refund。太太話去過咁多次日本，都係第一次聽，but anyway，佢哋既然那樣setup，我們就入鄉隨俗吧。
去完三段壁，潮爸就揸返車落市區，找到一間大型商店，就去行吓。原來係一間大型的電器用品店。嘩！好正！有很多日本最新最潮的家電：冷氣機、咖啡機、雪櫃、抽濕機...... 還比我們發現很多款100,000円以上嘅電飯煲，有很多外型好潮嘅風扇，真係好想買曬返嚟！行到最入，有好多款噴水式廁所板，賣25000+円，有朋友說會在東京買一套返香港，有時間去佢屋企試下先。
在電器用品旁，有間專賣農產品的商店。進去後，就進入今次和歌山之行的戲肉，就是食時令最好味，和歌山的特產「桃」。一入到去門口，全都擺放着十幾款的桃，潮爸買了6個從三個當地不同農場種的桃，見門口旁邊有張枱，就即刻在當場試食。新鮮白桃的香味，真不禁令人唾涎三尺。潮爸與太太一口氣食咗四個，好好味，又大又甜又多汁！一路切一路食，啲汁已經流到成枱都係！（差不多用曬成包Tempo，先抹返乾淨張枱）
食嘅時候，潮爸淨係比囡囡聞下，冇比囡囡食，其實4-6個月，有啲人都會照比BB食，不過當時去緊旅行，都係安全啲好；等囡囡大個啲，先一齊分享這食桃的喜悅。食到咁興起，本想即刻扑槌買返兩大箱返香港，1500-3500円一箱，一箱大約十二個，呢啲質素+size嘅桃，喺Citysuper起碼賣$78HKD一個！但仲有一日多行程，所以按捺住先，等到last minutes先掃啲最新鮮嘅返香港，與家人分享！！