https://www.facebook.com/babyandpapa/posts/325747224278040
盛夏之桃 • 續
食完桃之後，潮爸就馬上起程去另一間酒店，這酒店比較近市區，所以潮爸及太太，就決定先返酒店check-in，然後再出去搵嘢食。終於到咗酒店，搵個靚位，泊好架車，然後太太入內辦手續，潮爸就執定嘢準備及睇住囡囡。太太攪掂出返嚟，諗住抱囡囡入去，點知聞到一陣好熟悉嘅味道......，原來有大包片片 。早前如果有睇《潮爸》都知BB兩三日先一次，一嚟就好大包！BB媽咪正想抱起囡囡，怎知發現 已從腰間滲出！BB媽咪連忙叫BB唔好郁，因為怕一郁， 會整污糟個car seat！
之前兩日，囡囡都是在酒店解決了這事情，怎知到了旅行第5日，終於有難題比潮爸！成身都係，抱又唔係，唔抱又唔係...... 潮爸立即攞起個膠袋，在底搣（冇絞剪）兩個洞，跟住叫太太慢慢，慢慢抱起BB。BB都好合作，冇周身郁，跟住將兩隻腳仔穿入個膠袋嗰兩個窿度，輕輕抱住BB，而潮爸就即刻攞BB袋，（check下make sure裡面有足夠濕紙巾、片片及第二套衫），鎖好車，就馬上去辦大事。一入到房，即刻將1/3張床鋪滿厚厚嘅紙巾，然後極有技巧地+閉着氣+兩人合力，終於順利幫BB clean up咗！真係好大包......真係好大包！
之後潮爸就逐啲逐啲行李搬上房，太太就留在房睇住囡囡，而囡囡就好舒服咁喺大床度自娛。好不容易才把所有東西搬曬上房 。搬到身水身汗+好攰，諗住瞓一陣先出去食飯，點知一瞓就瞓到9點幾，外面的餐廳都關門了，只好去超市及便利店買一些杯麵返酒店食。
入到超市，梗係吾止買杯麵，行下行下見到有Citysuper賣緊既日本米，而日本係2000+円 for 5kg，Citysuper賣$200HKD for 2kg，香港真係貴得誇張（不過5kg太重，太太揀咗另一隻牌子嘅2kg）！其間，在雪櫃又見到兩隻新口味嘅"哈近大" -- 蕃茄+Cherry味 同埋 Sakura櫻花味。在超市門口，又買多兩盒桃先走，試埋呢兩隻，就可以決定買邊款返香港。好！收穫豐富，可以打道回酒店。
食完杯麵，急不及待試吓啲桃。嘩！同下晏食嗰啲好唔同，香好多，同埋啲皮吾駛切，成塊搣得甩。呢兩隻都好多汁，桃味好濃；黃色嗰隻好香，而紅色嗰隻甜啲！嗯！潮爸已經決定聽日買紅色嗰隻返香港！