https://www.facebook.com/babyandpapa/posts/327973420722087
返香港 • 續
六日嘅和歌山之旅，已到尾聲，潮爸講明早機去，晚機返，所以第六日的早上及中午，仍然有大把時間去shop手信及很多人會做既「Outlet 最後一擊」！買咗成廿個和歌山嘅桃做家人手信，又買啲特產「梅」做太太同事及朋友手信，手信呢一部分，攪掂！Set好GPS，回程當然是揀「有料優先」，免得中途費時失事趕唔切飛機，比2800円toll都值得嘅。
沿途一條大路，穿過幾條隧道，大概兩小時多就到達目的地。大家還記得outlet在哪？就是在機場附近。很多人都會用「都返香港囉，不如洗曬啲円，費事返香港又唱返啦！」做藉口，到Outlet最後血拼！散曬啲円後，人立即覺得輕咗很多，但行李就重咗好多。
還咗車，放好行李在cart上，就去check-in 行李。今次最大收穫，就係買咗箱尿片返嚟，遲啲拆開比大家睇買咗咩，總之很平！Check咗行李後，發現超咗2kg，不過職員都照過，同埋可以request到與BB及BB媽咪一齊坐（原本嗰程要分開坐），Thx Thx 。
回程時氣流比較穩定，可以放囡囡喺個籃度瞓。（回程時囡囡都玩到好攰，在機上差不多瞓足全程臨降落時仲剛好餵到餐RTF）。囡囡嗰陣時5個幾月，仲未識自己攞住個奶樽食，潮爸在飛機上試下放曬手，等囡囡自己啜，自己食！（高難度動作，潮爸經過專業訓練，切勿模仿）食完飛機餐，空姐又突然送上一包東西比潮爸，就係3樽baby food（BB張機票包咗），來回total有6樽（當時BB還未開始試食固體食物）。其實到而家都冇食過，因為潮爸喜歡用新鮮食材整比囡囡食。
隨着飛機緩緩地降落，亦為這和歌山之旅劃上完美的句號。返到香港機場，在運輸帶前等行李，囡囡突然natural high，勁拍腳及尖叫來表達對這旅程的滿足和喜悅。在等行李的時候，竟然碰到剛從東京旅行回來的朋友。他說他們三人，在東京6日5夜，每人食咗20+個桃，真厲害！上咗機場巴士，已是晚上十一時多......有很多人可能在旅程結束後就即刻會諗「下次去邊度好呢？」但潮爸沒有，因為每日一次旅程後，都會盡情去回味一番，細味在旅途中的得着及各可遇不可求的人和事。下一次的旅程，留待下一次想吧！
