https://www.facebook.com/babyandpapa/posts/328843790635050
旅行後記
現在囡囡九個月大，回想起五個月大時第一次帶她去旅行，那時真係細個好多，如果而家帶去旅行，唔知又會是甚麼景象？
前兩個月話咗比囡囡的姨婆聽帶囡囡去旅行，未嚟得切講啲好玩野比佢聽，已經一輪嘴話我哋有這些諗法已經唔啱，然後話：「唔好呀吓，一陣BB唔舒服......」之類嘅說話。姨婆苦口婆心講完之後，潮爸就話比姨婆知：「去咗返嚟啦。」姨婆立時O曬嘴，之後潮爸及太太就講帶埋囡囡去旅行啲好玩嘢比佢聽。姨婆唔知好嬲定好笑，又唔知係彈定讚咁話：「你兩個真係大膽，咁都得！」
Anyway，人家關心BB才會替BB擔心，但無論怎樣，潮爸總是覺得「要善其事」背後唯有自己努力啲。對比起以往或其他地方，在現今香港生活或許已經比較安逸，姨婆可能見潮爸及太太都是新手，故意提醒要「居安思危」，在安逸的環境下，要去思索或準備危急情況時，怎樣去處理事情！潮爸只有步步為營，做返個問題青年，有疑必問，唔好越做越不明所以。
當然，潮爸自知仍有很多做得不足的地方。生小孩是女人的天職，湊小孩也是女人的天性，潮爸十分認同。男人對人家噓寒問暖，odd得嚟大多情況都會create problems；而女人做到無微不至，就是發揮本身良知良能的美德。太太在今次旅行雖然緊張，但以一個喜歡去旅遊的她，online搵咗好多資料，例如訂機場附近的酒店，一間酒店住兩晚+包早餐，避免成日為執喼轉酒店或要周圍搵早餐而頻撲，酒店either近outlet或景點，萬一帶漏咗嘢返轉頭都好方便。
在preparation的過程中，潮爸其實都只充當assistant，去search下點與點之間的的車程，make個checklist 去買下嘢，同埋去攞個國際牌；在旅程中自駕，載著她們安全地到達每一個目的地，同埋做啲太太做唔到既嘢，例如：搬行李。Combine everything together，其實每一個部分都很重要。
那時囡囡雖然唔係識表達好多，但都感受到佢响這次旅行玩得好開心。攰嘅時候當然皺曬眉，但一瞓醒有精神，就笑騎騎及以拍腳以示高興。在旅途中，太太經常同潮爸講：「囡囡好鍾意黏住我哋，好想我哋陪住佢，同佢玩！」自從潮爸做咗潮爸，全職湊b之後，每個星期，太太就只有星期六、日可以整日陪住囡囡；而今次旅行，太太6日都可以由朝到晚咁見住囡囡。去旅行，唔去景點又唔得，自己太辛苦又唔掂；但無論點都好，最重要就是想與同行的人分享那幾天的時光。今次旅行對潮爸來説是「挑戰湊b極限！」，而對太太來說是「三人行」，如果每次旅行都有一個主題，下一次個theme唔知係咩呢？
