https://www.facebook.com/babyandpapa/posts/330252723827490
節日氣氛
踏入十二月，雖然還有3星期才到聖誕節，但各大商場，甚至超級市場，已佈置了各種燈飾或不停loop住的聖誕歌，好像在提醒大家「買禮物」！今年的各個節日也特別起來，因為由二人世界到三人世界，今年所經歷的，全都是囡囡及三人行的第一次。人生的各種第一次都特別珍貴，既然那麼珍貴，那就欣然地去接受及享受各樣的慶祝活動。
前兩日有朋友來探囡囡，買咗一些聖誕禮物，潮爸都很不好意思，因為其實好多禮物係買比BB，但實際上都係大人享用（例如糖果）。所以閒時常常都會同囡囡講：「DadDad同媽咪啲朋友都錫囡囡，囡囡都要好錫佢地。」能夠接受，亦要能夠付出。節日來臨，除非是非常反對消費主義的人，否則都會去shopping！而各大公司，由年頭到年尾，都毫不吝嗇地把握所有節日的時機，費盡心思，實要把從人家的口袋裡抽出，而消費，就變成城市人的一種快樂的模式。
節日將至，潮爸和太太近日都在網上shopping，見到很多靚靚嘅BB頭飾及衫仔。為避免一時衝動而買錯嘢或買太多嘢，都會互相交流意見。太太就會send條link比潮爸，睇過啲products O唔Ok，然後潮爸就再去其他websites，比較一下價錢同運費，經一輪篩選後，再扑槌買幾樣。上個禮拜收到貨（大部分都係打算聖誕節着嘅衫仔），都急不及待同囡囡試著，著咗囡囡勁得意，BB媽咪勁開心！