https://www.facebook.com/babyandpapa/posts/330680170451412
水
一講到呢個話題，有好多人都一定會講：「BB要飲多啲水呀，啲奶粉好熱氣，BB會好乾，飲多啲水好啲！」但有些人或專業人士就會講：「BB一日飲咁多奶，已經有足夠嘅水份，都不必額外比水BB飲。」BB駛唔駛飲水這個部分，好似中間有一條線，兩方面都各持各的意見及道理，彼此無太大的空間。亦從來冇話BB應該飲幾多水？有次朋友問：「乜BB唔係都要飲同大人一樣咁多水咩？」
潮爸Google 一下"How much water does baby need?"
在六個月大之前，都不必額外比水BB飲，飲奶時的水已經足夠（尤其breastfed baby）。如果比咗水，BB脹住個胃仔，會間接令到飲少咗奶。如果飲得BB太多水，可能會中水毒，令身體電解質失衡。故沖奶唔需要刻意溝少啲水或多啲水，每一種奶粉都唔同，一定要跟instruction。六個月大後，如果比咗餅仔或比較「杰」嘅糊仔BB食，都可以比水BB 涉下涉下。一歲之後，小朋友進食固體食物及飲用普通奶後，小朋友喜歡飲多少就飲多少。有些兒科醫生會提議比少少水食奶粉的BB，但都不要超過2oz in 24hours。有些兒科專家亦提議有便秘的BB 涉少少水，幫助減少便秘，但最重要check下是否開奶的方法錯而導致便秘。
BB缺水的信號：口唇乾燥、6+小時沒有wet diaper、尿尿變黃、便便乾硬、哭泣時沒有眼淚。簡單來說，多觀察BB情況，check下片片，check下糊仔唔好太濃，以及最重要注意沖奶的方式，那就萬無一失。
BB需要額外比水與否，真的不能一概而論，都係視乎個別情況，要瞭解天氣季節、BB的活動量、BB的飲食習慣、其湊BB方式（夏天外出活動，冬天開暖氣）。
先瞭解，再探討 ，在箇中互相參考大家意見，才是明智之舉。