https://www.facebook.com/babyandpapa/posts/331522887033807
手勢
還記得single時，去朋友家探BB，都唔敢抱啲BB，因為怕整親人家的BB唔好意思，同埋怕一抱BB就喊而感到「一陣無奈」+ 「極度瘀皮」，所以都只是遠觀而不近玩。到太太有咗，自己若干個月後，自己就一定要由一個外行人變成一個「業餘專家」，如果要將這個轉變定一個限期，必定係less than九個月！無可奈何地+膽粗粗地+不屈不撓地，去學怎樣抱BB。
經歷咗九個月的鍛練包括：跑步操aerobic exercise，舉啞鈴操strength，同埋打Thai boxing操endurance，因為自知BB出世後可能會少咗時間做運動。有好多人會話：「湊住BB咪日日都要做好多運動囉！」早幾年已清晰這個部分，去gym做的或好舒暢而沒有心理壓力地去做的叫「運動」；而有潛在壓力地去做的叫「勞動」。如果將能將各種勞動而變成運動，那就非常完美，但這個可能性或許不大。還有，有機會就抱下其他BB，等自己個B出世時，唔會「拿手唔成勢」。
BB終於出咗世，入到二等房，太太叫潮爸抱下囡囡，潮爸雖然好想抱下囡囡，但都說：「等等先，冷靜下先！」預計太太第三日便可以出院，所以潮爸第二日就鼓起勇氣抱下囡囡，然後就立即影張咗第一張全家福！不過潮爸或許過分擔心，因為返到屋企，來日方長仲有大把時間練。
經過每天湊B嘅intensive training，並且有兒科專科護士喜喜姐姐提點，現在終於學有少少所成。偶爾都有人讚潮爸：「抱B手勢好熟手喎！」抱得B多，潮爸發覺有兩樣嘢「同等」重要，就係抱得BB舒服+一定唔好整親自己。潮爸影咗幾張相，懇請各媽咪級賜教。
附圖一：用左手抱，左手握實BB左邊大脾，將BB頭仔放在左手二頭肌（老鼠仔），左邊膊頭不要縮起。
附圖二：兩隻手抱，左手握實BB左邊大脾，用右手輕輕托住BB左邊「加拿大」，右手有活動性可以比BB前後左右郁少少。
附圖三：兩隻手抱，左手用力（forearm）托住BB屁股，右手從後面用力握實BB右邊「加拿大」。（右手要握實，因為左手只承托着BB）
附圖四：用單手抱，手掌用力托住頭仔，BB望住自己，用upper arm 及「加拿大」夾住BB個屁股仔或腳仔。（這種抱法外國人的爸爸會用，好似夾住個美式足球咁）
附圖五：兩隻手抱，用左手托住BB屁股仔，用右手握實BB左腳。（BB兩隻腳仔都可以踢下踢下隻腳仔，so far囡囡最鍾意呢個抱法）
BB越大越重，而越大就郁得多及越大力，抱BB要量力而為，整親either BB or 大人都唔好。Stay safe！