想抱
抱BB，有些人覺得好煩，覺得BB好黏身；有些人就好enjoy，覺得同BB好close，鍾意陣BB味，間唔時就親親BB；有啲在BB喊嘅時候，覺得BB好可憐，就抱下BB，保護下BB；而有些人就覺得孭帶唔好，覺得用手抱好啲，為咗BB健康所以用手抱。
早年常聽到人家說BB成日要抱好煩，好黏身，放低一陣去廚房攞嘢又喊，放低一陣去洗手間都喊，由朝抱到晚，抱到手都痛！上一代通常有三至四個小朋友，輪住嚟抱，真係都好辛苦。現在呢一代通常生一至兩個，有咁多靚嘅孭帶同BB車輔助，另外又有姐姐幫手，真係幸福好多。所以現代父母都可能對抱BB比較愛不釋手。
近兩年常聽到媽咪級呻：「哎！」BB好快識行識走，唔黏媽咪啦！鍾意自己去玩，唔駛抱抱啦！」續感概地道：「好唔捨得冇得抱抱！」上個月與太太及囡囡去新城市廣場七樓用膳，有個waiter哥哥過嚟同囡囡傾計（當然係Waiter哥哥單方面講嘢），然後去櫃抬攞支乾淨嘅飲管比囡囡玩。潮爸問他有沒有小朋友？他笑曬咁答道：「我個女2歳啦！好鍾意周圍走，好活躍！」緊接：「你而家趁BB細個抱多啲，BB識行識走嘅時候，想抱都冇得抱！」
時代變遷，以前「想抱歸於BB」；而現代「想抱歸於大人」。
潮爸就好少抱囡囡，在家，等囡囡自己喺床仔玩下，或喺baby sitting balance/high chair自得其樂，從旁睇住囡囡自己玩，都不失為一件樂事；出街街及去會所，有其他人陪囡囡玩，唔駛自己抱+BB唔悶+放下電！對於抱抱BB，潮爸其實都沒有想太多「想抱 or not 想抱」，當然有時BB啱啱起身及weekend放工返嚟，抱抱親親BB。而對於BB，有時想抱，係嗲嗲；有時想抱，係扭計；有時想抱，係想去玩其他嘢；每次抱都視乎其需要，希望不會過猶不及，取個平衡，令到大人及BB雙方面都滿足得嚟，又唔會寵壞。那BB開心，媽咪放心！
