https://www.facebook.com/babyandpapa/posts/334005303452232
High Chair
雖然囡囡早前已識坐，但佢出廳都係坐Baby Sitter Balance 自己踢下腳仔bounce 下bounce下。上兩個禮拜weekend，太太在家執拾BB用品時，搬咗張high chair出嚟。潮爸做完嘢返嚟，抹乾淨，就試下點用。有啲人話：「咪就係放個BB落去坐囉！」以前啲產品可能係，比較簡單，但今時唔同往日，而家啲BB用品好多功能，唔學真係唔識。
張High Chair 係太太舊老闆嘅仔仔用過，九成新，上網check過，都唔平（Thx Thx）。那說明書當然無，唯有自己「舞」掂佢，同自己做個Demo。為免唔覺意整爛，潮爸都小心翼翼地拉每一個制。好不容易先開到隻凳腳，之後搵到個制可以將張凳較高低，另外仲有塊tray用嚟放嘢食。暫時係知道咁多，其實仲有三個制，不過唔知用嚟做乜，囡囡坐到安全就用住先，遲啲再諗。
今日心血來潮上official web check 下張High Chair，原來有好多新款，仲有個video 做咗個full demo，發現原來之前唔知用嚟做咩嗰三個制咁好用。第一個就係用嚟flip起塊tray；第二個就係將張凳調較角度；第三個就係收凳時用腳hold住，用小小力一踩就可以成張凳摺埋。睇完後潮爸立即茅塞頓開！一路睇一路practice，越來越覺張凳物超所值。
囡囡好鍾意坐張high chair，較到最高，可以到潮爸坐响梳化時嘅eye level，餵糊仔時可以放個碗喺塊tray度，加上安全帶個buckle好實淨，好穩陣，囡囡坐到周身郁都唔怕。 囡囡坐咗上去high chair，啱啱有個位比佢「long」腳，好得意，好似坐大班椅咁！
現代做父母十分不容易，學少啲都唔掂，淨係一張high chair，如果唔睇demo都唔知點用，所以真的要繼續努力！