https://www.facebook.com/babyandpapa/posts/396073550578740
空中BB
囡囡15大個月，第二次坐飛機，而且已經識行。在閘口拍個照，把相片都傳給家人以後，就登機。空姐們見到囡囡都好開心，見到潮爸一抽二lung，就好好咁幫手攞咗boarding pass去scan，然後潮爸就放囡囡落地行，太太入咗閘就拍片囡囡自己行入閘。囡囡一路好興奮咁行，一路「艾艾」及「Dai 帶」（bye bye)，囡囡好叻叻自己行上機！
到機艙門口，潮爸才抱返囡囡，搵到位後BB媽咪孭返囡囡上孭帶就準備起飛。今次又有得坐BB位，不過一小時多飛機，都唔駛用BB籃。起飛不久，囡囡就攰囡瞓咗。飛到一半，囡囡起咗身，今次沒有上次坐飛機那麼容易，因為囡囡已大個囡，會周身郁，又要有好多嘢去entertain。一來由搬屋開始schedule亂曬，囡囡有少少忟憎，二來又冇咩玩。潮爸就出殺手鐧，玩Tempo紙巾。囡囡啲fine motor幾Ok（護士長朋友都讚），已經識得搣開包紙巾，攞張出紙巾出嚟，跟住勁搣，搣到周圍都係，咁樣可以玩半粒至一粒鐘。
不過用孭帶孭住咁玩，係有點不舒服，所以降落前嗰15分鐘就開始唔耐煩。那潮爸及太太就要在這15分鐘內比曬所有attention囡囡，又抹手、又玩遊戲、又拍腳、又玩「吱吱」、又唱歌仔......總之無所不用其極，免得嘈住隔離左右。好不容易才等到可以攞返行李，囡囡見個個企曬起身，就即刻靜曬。因為潮爸今次特別多行李，所以有些放在後幾個位。在等其他人離開機艙期間，囡囡好似空中小姐姐姐咁，變咗一個「空中BB」同各乘客揮手及講「Dai 帶」，有些乘客見囡囡咁攪笑，就同囡囡揮手，有些甚至握手！
一個多小時，就到咗另一個世界，「一個普通話嘅世界」，潮爸一家都要努力學習，以後要講得一口流利的PTH。不知囡囡的母語，會否變成普通話呢？
