https://www.facebook.com/babyandpapa/posts/421698158016279
婆婆駕到
離開了香港一段時間，潮爸、太太及囡囡，都開始習慣了台灣的生活。這邊廂每日忙，努力忙，拼命忙，時間過得很快，加上88箱貨已到，已進入了一個天昏地暗的unpack生活；但那邊廂，婆婆、姨媽姨丈、姑媽就十分掛念囡囡！適逢暑假，姨媽終於有空陪婆婆坐飛機過來探囡囡。太太請朋友追了平機票，就定好日子，在太太工作忙之前過來一趟。
接機前一天，潮爸就做足準備功夫，首先不停跟囡囡briefing，説：「明天婆婆及姨媽來探囡囡，好開心！要錫錫婆婆及姨媽，好好招呼呀！」之後到網上搜尋，找到家附近有直通巴士到桃園機場，而車費很便宜，只需$110TWD。一小時一班車，潮爸坐三點鐘車，兩點四十五分去買票也可以。那就不用make a trip去市政府乘車。另外太太又一早book了電召車在機場pick up婆婆及姨媽。在晚上，太太打開衣櫃，找了件「接機戰衣（點點裙仔）」，著靚靚去接機，氹下婆婆及姨媽開心!
接機當天，早上及中午潮爸煮了兩餐給囡囡，之後計好時間，幫囡囡著「裙仔+靚靚頭帶，再crossover Adidas 三間 sneakers 就出去車站買票。雖然囡囡都幾大個囡，孭帶都開始有點緊，但坐車去機場都需要1小時，所以都係孭囡囡比較安全。坐車1小時，潮爸為了氹囡囡睡覺，就「拋磚引玉」自己先很快睡著，囡囡本來坐直通車很新奇刺激，不停用手玩潮爸的嘴，但見潮爸那麼快睡著，自己玩都不是味兒，跟著都睡了！
睡了一小時，到了第二航廈接機大堂，婆婆坐的飛機已Arrived! 潮爸及囡囡都目不轉睛地看著大電視，看看婆婆甚麼時候出來。婆婆終於與姨媽平安到步，那潮爸就抱起囡囡，讓囡囡自己走去婆婆那邊。婆婆看見靚靚囡囡就「冧曬」！
跟著坐已book的車回家，安頓過後，就去接太太放工。跟著去了一間，又好食，又好坐，又優雅，招呼又好的素食餐廳，替婆婆及姨媽接風。用餐的時候，囡囡不停向著姨媽說話：「Dad dad da dad dad dad... hea hea he he... Dak dak dad hea hea...（歡迎來到台北，呢度有好多嘢食、好多嘢玩，招呼唔到...）！」七情上面，氹得姨媽很開心！
