https://www.facebook.com/babyandpapa/posts/336279223224840
洗樽
早前有朋友快要生，問潮爸關於買奶樽事宜，問及奶樽的牌子及其價錢，那潮爸當然是用開覺得好嘅先介紹比朋友（見《好用產品s》）。朋友打算餵全人奶，買定奶樽以備不時之需。另外亦講到奶泵及烚奶器的選擇。潮爸用緊個烚奶器是朋友用過的，可以放六個narrow neck 的奶樽，如果買wide neck奶樽的，最好make sure放得落，並可以一次過烚曬自己有嘅咁多個。
潮爸一路以來都係用開6個奶樽，3個Dr Brown（8oz each) +3個Medela（奶泵跟機的5oz）。另外一個Medela放雪櫃用來裝奶，要餵時坐熱就飲得，其他人奶就放在奶袋。每晚洗奶樽及奶泵早已成為routine work，最初都覺得洗奶樽好辛苦（洗極都唔完，另外又要洗碗）（見《男人的耐性》），後期就覺得有啲煩（已經習慣咗），到現在雖不能說專業，但都差不多到熟能生巧的地步，只知「多啲嚟，密啲手」。
前兩日請BB媽咪幫潮爸拍低洗樽過程，同大家分享一下。
首先潮爸會等太太晚上泵埋每日最後一次奶，gather曬所有奶樽及奶泵配件，拆件後放在sink盤旁準備，跟住用brush先洗Dr Brown奶樽。因為奶樽內通常都有些油份黏住，所以洗每一個奶樽都會落些少專洗baby bottle的洗潔精（見《好用產品s》），之後就洗Medela奶樽。唔知係奶樽問題定係人奶的關係，Medela嘅奶樽內黏住嘅油份特別多，好多時都要洗兩次，洗完仲要make sure裡面冇油漬。六個奶樽洗完，放好，跟住就洗配件。Dr Brown中間有條通氣管，用細嘅海綿brush及Dr Brown專用嘅超小型刷去洗。曾經有朋友話要洗埋條管比較麻煩，但為咗唔駛掃風，潮爸就取其「洗通氣管」。通氣管up side down放於各奶樽之間，make sure烚奶樽啲蒸氣入到條管度。洗埋奶嘴同埋奶泵+shield，就搞掂。緊記放的位置都要比啲steam入到去。還有，有時早上潮爸大概7-8 am，在太太泵奶前會餵一次，所以放奶樽在烚奶器時，重疊重之間，都會刻意就返啲位，等第二朝可以freely咁攞一set奶樽出嚟去沖奶，而掂唔到其他奶樽。
朋友給予的烚奶器perfectly fit 6個奶樽同埋成個拆件嘅奶泵。可能有好多人真係好怕洗嘢，覺得好煩 or 好浪費時間 or 冇耐性 or 冬天啲水好凍 or 用熱水洗樽傷皮膚。潮爸前兩日幫自己計時，睇下自己（用一貫速度）洗一set奶樽+奶泵要幾耐，計時結果係大概16分鐘，成績都不俗罷。