https://www.facebook.com/babyandpapa/posts/337201256465970
聖誕快樂
Let's sing:「又到聖誕 ，又到聖誕，又到聖誕，又到聖誕，又都聖誕又都聖誕。」
聖誕節，小朋友就最開心，學校聖誕party，屋企佈置聖誕樹，去商場不停播着聖誕歌，最重要梗係有聖誕禮物收！前兩日走去ToyRus買啲BB嘢，推住BB車入去，裡面擠得水洩不通，都幾乎都入唔到。父母們都好開心咁睇住自己啲小朋友喺度揀禮物！但大家都知，如果唔㩒住或作出適當引導，小朋友喺反斗城，基本上可能一粒鐘都揀唔到！呢樣又想要，嗰樣又想要，有啲大人仲要限住買幾錢，小朋友更加唔知點咁。幾經艱辛終於入到冇乜人嘅baby section，揀咗要買嘅嘢，出返去又有一定難度。小朋友攞住一盒盒玩具，來來回回問父母呢樣得唔得？果樣得唔得？有些不斷被reject，有些就不停比人鬧！揀咗玩具，就好開心攬住盒玩具陪父母去比錢，但眼光卻從沒離開過其他玩具。
囡囡而家仲細，都未知聖誕節係咩，可能出到街街淨係知有歌仔聽，同埋身邊每個人都好開心。今日係平安夜嘅daytime，潮爸中午就同囡囡著靚靚，聖誕頭飾、聖誕冷衫、聖誕Leggings + 聖誕口水肩，全套武裝，同BB去添馬公園和BB媽咪食lunch，然後去BB媽咪Office開P！而潮爸就要去Apple Shop整機，並且做下自己嘢。
BB開完P，返屋企瞌一陣，再戰平安夜。由做冬開始至新年，囡囡的schedule都好full，不過無論點full，都唔可以比囡囡太攰。而家囡囡定當啲喺外面都肯定定哋食奶，所以feeding schedule已經唔成問題，但sleeping schedule要多加留意留意，要比囡囡有足夠時間休息，唔好玩到過曬籠！
潮爸諗大家聖誕節都應該好忙，快快趣趣祝大家Merry Christmas + Happy New Year + Season Greeting + Happy Holiday！在這個假期潮爸一家應該會去新落成的摩天輪，有機會就See you there！