https://www.facebook.com/babyandpapa/posts/345181425667953
換季
由早兩個月前開始，囡囡就由著幾件短袖衫，全部轉曬著冬天衫。太太一路以來都是管理家裡嘅時裝部（包括洗衫，見《家務》），好多時要同BB出席重要場合或特別function（見《聖誕聚餐》），BB媽咪都會早兩日襯定曬，悉心打扮好，確保囡囡出街的形象"見得人+唔會失禮"。
開始換季時，太太擺咗好多衫出嚟，成個廳都係BB啲衫！BB媽咪逐件逐件攞出嚟，唔啱著嘅及夏天衫就放埋一邊待處理，繼而就將冬天衫放喺膠箱，方便替換。一邊執衫，太太一邊問潮爸：「唔知呢件仲啱唔啱著？」有啲朋友早前買咗衫仔比囡囡（通常買大件啲等第日著），有啲真係要快啲著，因為囡囡大得好快，情況係：朋友上年買咗件短袖型女T比囡囡（size is for 1 year old baby)，但到下次Summer啲時候，囡囡已經是1.5歳；而有些係for 18個月大嘅冬天衫，囡囡下年冬天就兩歳，到時好可能唔啱著。故此，BB媽咪成日要留意啲衫嘅size，以及BB size，著得合時+及時，盡量唔好嘥咗啲靚靚衫仔。
講明BB媽咪係manage屋企Fashion 嘅Department Head，潮爸點著衫，一定會比太太spot到！有一日太太剛洗完衫，問潮爸：「點解你著嚟著去都係呢幾件衫，我洗咗幾次衫都係洗呢幾件，你好多衫㗎？」當時潮爸趕住外出工作，好攰咁答道：「係呀！忙到唔得閒搵衫。」囡囡啲衫，high chair及床仔等全都放咗喺潮爸嘅衣櫃前面，要執開咗先攞到，最近又好忙唔得閒執屋，所以著完就洗，洗完又即刻攞返嚟著。湊咗b之後，真係少咗時間喺自己度。所以決定在太太生日那天，攞返啲靚衫（飲衫）出嚟著先！
待續...... (下集：太太生日）
