https://www.facebook.com/babyandpapa/posts/346417472211015
Infantino
早前太太在網上購物，買咗一件專for 孭帶嘅被仔，本來seller話要back order，要上年十二月尾先有貨先可以寄出，潮爸都諗住係今先有得用，點知兩個禮拜前收到郵局的收件通知，其實都唔知係，因為訂咗幾樣嘢，一路都不斷收緊貨。攞到返嚟，拆開，好開心，因為那時啱啱開始凍，可以即刻用！
冬天用孭帶出街街，如果在街上大風或者坐車冷氣太勁嘅時候，潮爸都係用被仔（見《輕便裝》）蓋住BB。但有時行行下街或坐車起身或囡囡勁郁，一唔為意，被仔就會跌咗落地。一來要請旁邊的人幫忙拾起被仔，二來又會整污糟曬，很不方便之如又勁唔好意思！之後又要放返張污糟嘅被仔入BB袋，整污糟埋其他嘢！
呢張Infantino，每邊有一條帶及鈕可穿過孭帶的strap，扣實就唔會跌落嚟。另外有一個hood可以大風或落微微雨，嘅時候笠住。還有hoodie的底部有幾粒鈕，可以扣埋然後包住BB對腳仔。囡囡用咗之後出街街就暖笠笠。側面其實有條索帶可以索緊啲，但用咗之後，囡囡就好似袋鼠仔咁手腳都縮曬喺張hoodie裡面，勁舒服！呢張hoodie其實只係話special用喺孭帶，但潮爸試下套落車車度，雖然不是perfectly fit，但都ok可以代替被仔。Hoddie前面仲有個袋仔，可以用嚟暖手或袋少少嘢，BB媽咪用嘅時候，自己對手套都可以唔駛帶。
用咗孭帶+hoodie+帶埋hood，喺前面睇好似孭咗個背囊喺前面，人地望落都唔知係個BB。