https://www.facebook.com/babyandpapa/posts/347515282101234
奶泵拯救隊
囡囡下個禮拜就十一個月大，太太仲餵緊人奶。之前與太太一起在office的泵奶房的同事，有些餵咗3個月，有些餵到6個月，而有些就餵到9個月。在人家的奶泵可能已收到雜物箱或已轉讓給別人之時，太太的Medela Freestyle卻仍用得熱哄哄的，但不知是否因為用得太intense，上星期突然唔work！那太太在這極度危急的情況下，四處問朋友及同事借泵。好彩終於借到個單泵嘅Medela Swing，太太不慌不忙地，在lunch time飛奔回家清洗Swing，及放低Freestyle比潮爸檢查，check下究竟係咩問題⁉。
除咗放低Freestyle，太太還帶咗另外一個火牛返嚟。那天，潮爸剛與囡囡出咗街，待下午回家後，就仔細咁check下係咩問題？記得以前有女性朋友同潮爸講過，話要搵一個handy man，話男人一定要識換燈膽、修理電器、換門鎖...... 潮爸唔係好識電工，最多都係讀少少Physics嘅電及砌過遙控下，在以砌模型嘅心態，即管check下個Freestyle。插住電掣，唔着，either部機or火牛壞。換咗太太攞返嚟的另外一個火牛，咦？有燈但都係唔着。那潮爸睇下火牛的voltage，output power及ampere。結果發現，原來原本嗰個係1000mA，太太攞返嚟嗰個只得900mA。太太call咗去代理，換個火牛要$650 HKD，勁貴！那就拿拿臨落去電器舖買個火牛，但幾間都關咗門，那太太就只用Swing泵住先，雖然只得單邊，唯有double the time來維持奶量。（Thx Thx）
第二日再去電器舖，$115 HKD買咗個火牛，12V，max output 1200mA，那就perfectly fit！太太鬆了一口氣，還返個Swing比同事，繼續努力泵下去！好景不常，前兩日太太諗臨瞓前泵多轉，點知又突然間唔着。還未嚟得切歎氣，就必須想辦法！太太記得之前4L family留咗個入電芯嘅奶泵比太太（Avent）。於是漏夜搵左半粒鐘先搵到！潮爸睇manual，入咗電，終於泵到，平安過度。(Thx Thx again）尋日打去Medela香港代理，因為在美國買香港無保養，話要比$1000HKD 檢查費，Part + labor另計，超貴！太太與潮爸商量要買個spare奶泵，太太在一些媽媽group得知有一款叫優合很多人都話好用，但要另買配件，唔知有冇其他人試過，加入潮爸的奶泵拯救隊？
