https://www.facebook.com/babyandpapa/posts/348884108631018
薑
大約年半前，潮爸就去做資料搜集，四周問朋友去邊度買甜醋及點樣整薑醋，而潮爸係素食支持者，所以在網上search了很多素食薑醋的食譜。在囡囡出世之前大概兩個月，買咗4斤薑試整了一次，比太太（食家）試過好味，先去大規模再整。
自家製薑醋考試一take過，太太話好味及話外面食唔到，那潮爸就叫太太請專業食材買手--BB契媽，在西環的副食品市場的批發商，訂了20斤山東薑嚟整薑醋，並先買了20斤「份外香」的甜醋，再接再厲整薑醋。長輩話薑醋要在BB媽咪生完後最少十二朝，食完後才可派比人。那計啱schedule，在十二朝之前薑醋要ready。
刨薑，真係一個好大嘅工程！潮爸由洗薑，到所有薑都適當咁處理好，整咗成個禮拜。有些前輩提過用手刨薑會刨到手都㷫埋，所以潮爸就戴住手套避免弄傷對手。另外又有人話用刀仔刮啲皮，唔會批咁多薑肉走，但潮爸選擇了另一個比較省時及功夫方法，就係用刨刨。可能會刨咗少少肉走，但勝在唔會刮到手軟；而且薑皮部份會留返等BB媽咪生完後坐月用嚟冲涼，所以都應該唔會嘥。刨吓刨下，整咗座「檀薑山」！呢個真係大Project！
潮爸一早買咗兩個煲，一個大，一個細，大嗰裝大概12斤，細嗰個裝8斤，每煲都預留少少位第日放其他料。將薑切好，最後留返一舊切細細粒，留待第日在唔同階段試味。大火滾後收慢火再煲2-3小時（小心滾瀉）。有些receipe話每個禮拜翻煲一次，但潮爸大概3-4日翻煲一次，keep check住quality，發現唔夠醋可以即刻加。
大概一個月後...... 自家製薑醋終於ready to eat 啦！
