https://www.facebook.com/babyandpapa/posts/349871038532325
薑 · 續 · 續
當太太還未放完產假時，每一日大概都會食一至兩餐薑醋，諗住可能好快又要整。但自從太太返番工後，即潮爸誕生後，薑醋的消耗量明顯減慢。亦因為不停咁加配料、甜醋及酸醋，好似食極都食唔曬；補咗貨比外母，仲有淨。到目前為止，仍然有10斤在細煲內。潮爸仍一如以往地，每幾日煲返滾一次，以作保鮮。這已有差不多一年的薑醋，都可謂生命裡的經典！
潮爸曾經問過很多長輩，點解啲薑要整到咁大嚿，唔可以整細嚿啲？因為食嘅時候好多渣。有些長輩答道：「以前啲人咁整，你就跟住啦！」再問下問下，有些答道：「大嚿啲，serve嘅時候好睇啲！」送出的薑醋，人家怎樣吃，大概不清楚。而到訪的親戚朋友，一話食薑醋，都異口同聲話：「唔該薑要細嚿啲。」潮爸搵混成煲都冇件細嚿。最後就索性切到一粒粒serve他們。執碗嘅時候發現冇一隻碗有渣。之後潮爸無論自己食及整比太太食，都在serve前切到細細粒，等食埋啲渣都唔覺，（每100g Ginger 有2g Dietary fiber），食埋纖維質，更加健康！
要去貨，淨係喺屋企食，恐防仲有排都食唔曬。於是潮爸就做咗一個兩全其美的方法，就係用之前用完嘅RTF嘅玻璃樽仔，洗乾淨，再用熱水烚一烚，將薑切到一粒粒放入樽度，當然要加埋蛋、甜醋、黑醋及其他配料，pack到一樽樽放喺雪櫃，讓BB媽咪每天攞一樽返office下午茶的時間食。一樽大概90mL，早前送給朋友，恐防大家唔啱食，pack樽細嘅比人試下。So far真不能説好評如潮，但幸運地No complain！一路pack small size bottles，潮爸就只需要買黑醋作食用前調味。而用完5斤裝嘅甜醋樽（大概total都有30+個），「份外香」回收價$10 HKD一個，要自己專登送返去專門店，但咁啱有朋友s 話啱用，那潮爸冇攞去回收，instead送曬比人。大家都十分高興！除了薑醋，潮爸不時都會自家制薑汁黑豆漿及沖繩黑糖薑母茶，健康+好味！如果大家有興趣試，可以PM潮爸。
今日清理雪櫃，發現原來還有一樽「酸薑」，係早前太太懷孕三至四個月的時候，口味轉曬+ craving for 酸嘢時候用「子薑」+ 「白醋」整的酸薑。當時情況真係好緊要，太太要食很多酸醋作調味料，食西柚，酸薑，總之乜酸嘢都啱！還記得當時剛是子薑的季尾，附近的街市都冇貨，最終要專登走去旺角街市先買到。可能一想嘔就有酸嘢食，所以太太都無乜點真係嘔過。
另外記得小時候，長輩炒菜一定落薑，唔覺意夾咗嚿薑食咗，就苦到lur都lur唔切！但人生到了某個階段，突然超喜愛薑，尤其是食日本菜的子薑片。人稱苦瓜為「半生瓜」，到人生嘗盡甜酸苦鹹的時候，就懂得品嚐其苦澀中的甘美，唔知道品嚐「薑」，對於人生又代表着甚麼？
潮爸與薑，真係結下不解之緣......
