https://www.facebook.com/babyandpapa/posts/351661745019921
BB展
想當年籌備婚禮，就一定會留意一年n次的婚紗展，都唔知去過多少次？總之係好多次！而有咗囡囡之後，一些人關於BB的東西及事情，都會特別觸動到潮爸的神經！
今年的BB展，早前已與太太計劃去行下，開下眼界！亦當然帶埋囡囡去趁下熱鬧。但當潮爸想買飛之際，Jakewell 公司（專營法國入口的嬰兒用品）特邀潮爸與太太去BB展，今日剛收到兩張入場券及$100HKD現金券。Jakewell的聯絡人話好Like《潮爸湊b日誌》，集集都有追，她形容某程度上可以歇斯底里地，以男人的角度去睇湊b，鮮為人見，鼓勵潮爸要努力！潮爸聽到當然受寵若驚，因為湊b是女人的天職（男人其實要行埋一邊），所以潮爸都步步為營，盡量集大衆之長+本身嘅knowledge，去挑戰這項使命。而《潮爸》，就成為與大家分享日誌的平台，借大家的意見，來將自己推動一下。希望不會令大家失望。
潮爸remind太太either 帶個大喼或孭三個大背囊去，一個for潮爸，一個for太太，一個for囡囡（掛喺BB車），準備就緖「掃貨」！加埋coupon，驚買唔停，所以今晚要瞓好啲，聽日唔可以比的Sales姐姐説服，要四處格價，要與太太互相按捺，要用力㩒住個荷包，人多要睇實BB，唔好掛住睇嘢行咗去......
礙於潮爸Weekend要返工，所以只有聽日會去BB展，所以各位讀者，明天見！
