https://www.facebook.com/babyandpapa/posts/352453668274062
BB展Shopping · 續
買完Coupon，行到去廸士尼附近，比個Sales姐姐掹住，叫潮爸同太太聽下怎樣培養小朋友閲讀的興趣？太太aim at shopping，冇乜心機聽，那潮爸就睇住囡囡，同「資深教育顧問」傾咗一陣，交流一下。最後潮爸比咗張咭片佢，她説有需要會找潮爸！
行咗咁耐，太太提議不如先去探下Jakewell先。他們的booth喺正corner位，一行到去就見到。見到聯絡人及Sales們，他們見到BB（啱啱瞓咗）+ 真人不露相（Line公仔樣）的太太都好開心。Manager一面與太太傾計，一面介紹新產品。以表謝意，太太攞咗送幾樽小瓶薑醋給他們。傾下傾下，越來越多人嚟買嘢，那潮爸就唔阻住做生意，移玉步繼續去shopping。一行過隔離，就有間賣playmat的booth，之前一路都揀唔到，想上網淘，朋友又話驚啲膠唔靚，所以遲遲都未買。那個Sales姐姐勁sell太太買大嗰塊，話BB玩得開心啲、安全啲、乾淨啲、好用啲...... 潮爸旁觀者清，product幾好，行多幾間先。之後行咗去另外一間睇地蓆。有隻韓國牌子，之前朋友都話好用，冇特價要$1500-2000，BB展賣$1499。太太本來都好想買，但睇完實物後覺得太大張（差不多5'x6'），雖然料好靚，最後都冇買到。
之後去咗試咗幾款濕紙巾，但都冇而家用緊嗰隻咁好用。經過Goonite，$160一包，買8包送1包，見到好多人瘋狂地掃貨，但買慣online shop嘅太太就話唔平。Hum......可能之前睇得多，又去咗日本同online格過矖價，發現啲嘢麻麻地平。最後入咗去荷花，比潮爸睇到有架BB車超抵，$12xx，BB展限賣60部，那太太試都唔駛試，即刻上前話要一部！開頭話紅色賣曬，那藍色都殺！等咗一陣，Sales姐姐話已沽清，Oh! 梳利！可能大家都差不多走，所以趕住比錢攞貨。那潮爸就與太太馬上折返買遊戲墊，最後潮爸當然冇買大嗰張，買咗兩塊細（淡色啲嗰個款，鮮色嗰隻有啲刺眼，長用淡色好啲），Flexible啲及方便清洗。Sales姐姐話淡色嗰隻啱啱賣淨兩塊，那太太即刻比錢，Thx Thx。
嘻嘻！今次BB展都算有點收獲！可能人年紀大咗，shopping冇以前shop得咁癲，加上置咗頭家，節儉都已成為美德。排隊等電梯走時，前面個媽咪買咗2 張遊戲墊 + 4包片片 + 3 袋accessories + 推住BB車...... 雖然有姐姐幫手，但都極之狼狽。 聽日BB展最後一日，公司們都可能劈價去貨，大家除咗準備盡情掃貨之餘，也要準備點樣攞曬啲貨返屋企，記緊注意安全！
