BB上班去
現在大多數人可能都只係擺BB喺屋企，又或者都係落街玩下，行下街，游下水，好少比BB接觸到自己工作以「內」嘅事物。太太其實早在放產假期間，已經忍唔住帶囡囡返公司去探啲同事；而聖誕節，極高層老闆都落命令請大家帶小朋友返去公司，一起高高興興咁慶祝（見《聖誕快樂》）；加上太太經常帶埋囡囡與同事聚餐，其實已同BB媽咪啲同事好熟。
問過很多小朋友，有很多都係未去過爸爸工作的地方，或者唔知爸爸上班工作上的tasks是做甚麼，有啲可能連做甚麼職業都不知道。但囡囡可能唔會有咁嘅情況出現，因為潮爸偶爾都要帶埋囡囡返工。雖則話潮爸把所有的工作放到weekends，但有時情況迫切，好忙的時候，weekdays都必需要帶埋囡囡返工，幸好在那時段either瞓得好「冧」，or 有小朋友同囡囡玩，又或者有電視睇，好快就做完3個小時。有時還覺得好好玩 ，玩到唔捨得走添。
潮爸帶住囡囡去返工，雖然唔係成日，但每次出去都覺得好似上一代啲人，孭埋小朋友去打住家工 or 去衣廠車衣，幫補家計！比起上一代，實際上都算不上辛苦，現今地鐵是那麼方便，又有孭帶，唔駛好似以前啲人，幾時都要用手抱住那麼辛苦。
Anyway，首先要多感恩，因為被允許可以帶埋囡囡出去返工，而囡囡有街街去又好高興。每次背囊總是裝得滿滿的，除了《潮爸重裝甲》外，現在用車車，就要帶埋孭帶+Infantino+餅仔。做好準備功夫，隨機應變之餘，亦要萬無一失。
