脾氣 · 續
有時候教曉囡囡一些動作，不其然會有份成功感，但再過一兩個星期，囡囡唔記得咗。其實嚴格嚟講，都唔可以叫躁底，只係有點無奈，同埋有啲急，想囡囡學咗唔好唔記得。但這念頭好快就沒有了，因為：「囡囡得個幾個月，想點？」
更有時餵粥仔時候，囡囡掛住玩唔專心時，一下用手撥開D粥仔，搞到全身周圍都係要即刻抹，真的需要莫大的忍耐力，忍住唔响囡囡面前有情緖都真係唔易！待心情平靜後，就要同教囡囡食飯時要專心，難度何其高！
相信每個父母或者其實每個人，抱住BB都想BB好似隻Kaola咁，攬實自己，一來feel到BB的溫暖（像暖水袋），BB攬住另外亦代表抱B者有一份善良，連純善無惡的喜歡親近，最好BB喺抱住時瞓着埋，那就完美。間中抱下，其實要達到以上效果，都唔難；又或者喺街抱住BB周圍睇嘢，好少會喊。但由朝到晚喺屋企，間屋有幾大，抱住周圍行都唔會有新嘢。朋友上到嚟，BB一叫就問係咪要抱，抱起咗又唔制，有時鍾意抱，有時唔鍾意抱，抱住周身郁嘅時候都幾煩！但諗深一層，唔通唔郁好咩？大個咗，手腳靈活，周身郁才健康吧！
除咗囡囡的情緒之外，人的身體有精神奕奕，有有心無力，或有疲倦，有瞓唔好或病病哋的時候，情緒就自然有高有低。在好攰嘅時候，家務就是一個活玩眼前的衝撃，（見《男人的耐性》），在無數次被家務觸動情緒後，最終都是要學會放下；放下唔係放低曬唔做，而係唔好太過執著做的次序及次數，預計自己的energy可以做幾多，prioritise 家務的急切性，不做過多或duplicate 的事情，用一些比較好的家居清潔用品，最重要有足夠的休息時間，不墮入疲倦及情緒的惡性循環，吸納別人的生活經驗及自我生活素質的肯定，求內而非求外，因為外在環境是沒有完美的。
小朋友雖不懂表達，但其實每分每刻都在攝受父母之care taker的情緒，所以情緒穩定，對於小朋友都有着一定的益處。在湊b期間，這個由囡囡作導師的一門「情緒管理專業課程」，真的獲益良多，雖不是甚麼大道理，但若能真的積少成多的話，這課程或許終身受用！
