打仗
囡囡越嚟越大個囡，除咗抱住嘅時候周身郁外（見《脾氣 · 續》），餵奶、餵糊仔、換片、換衫、沖涼......都越來越有難度。看着BB健康成長，一日大過一日，係一件滿有感觸嘅事，但體力勞動增加是一件有必要準備的事情。
So far 潮爸對上述難度越來越高的情況下，都可以處理到，但對於BB媽咪來說，BB越嚟越大 + 體重越來越重 + 越來越大力 + 成日郁嚟郁去，要順利完成以上所講的，開始有點吃力。
餵奶：So far，最多一次都係飲到 7oz。大個咗，有時飲到一半就唔飲。如果自己攞住奶樽，飲飲下就會攞開個樽，跟住樽奶就跌咗落張床，整到張床單濕曬，又要勞煩BB媽咪換床單。
餵糊仔：而家潮爸會諗好多唔同口味嘅糊仔整比囡囡食，食到飽咗，就會用雙手推開。所以有時餵糊仔，一唔為意，囡囡隻手推落隻匙羹度，整到成手都係！尤其食紅菜頭糊，成手紅色之餘，未嚟得切放低碗仔用紙巾抹手仔時，已hi到周圍都係。（見《脾氣 · 續》）整污糟咗啲衫，又要換過曬。
換片：對於潮爸，經過日已繼夜，夜已繼日地被千錘百鍊，已經無難度！但由於囡囡腿仔粗咗，腳仔大力咗，又不時轉身，有時見BB媽咪換大片，都險象橫生！一路抹乾淨，囡囡一路想抓住片片，好似「打仗」一樣，一不留神就會便留成床！
沖涼：到目前為止，都是潮爸幫囡囡沖涼，亦當然係用囡囡至愛嘅花灑嚟沖（見《幫BB沖涼》）。雖然用咗安全網，但大個囡咗就成日想坐起身，跟住就周圍攞嘢 + 玩水！抱上水時對腳又會不停咁踢，少啲力水都唔掂！
換衫：平時BB媽咪幫囡囡著衫去街街，都冇咩問題，但沖完涼著返衫，對於BB媽咪嚟講，又是一嚴峻考驗。沖完涼洗完頭，潮爸幫囡囡抹完頭後，BB媽咪就幫囡囡搽lotion。關鍵就喺呢度！搽完lotion之後，BB又滑嘟嘟，BB媽咪對手又滑嘟嘟，之後幫囡囡著片片 + 著衫，就會跣嚟跣去，有時要跟囡囡角力三、五、七場，好不容易地先著返曬衫仔！（所以一定要開暖氣）最後著一件和尚袍款的羊毛底衫，BB媽咪始終都唔能夠綁曬4條繩。如果潮爸幫囡囡著那件和尚袍，就會著靚靚 + 整齊。太太問潮爸秘訣係咩？而秘訣就係......
