https://www.facebook.com/babyandpapa/posts/357870424399053
前世情人 （Valentine's day)
近這兩年，潮語流行説爸爸的囡囡及媽媽的囝囝就是其「前世情人」。有些媽媽級朋友帶囝囝去玩，就會post與「前世情人去拍拖」；而有些爸爸級朋友抱住囡囡，就會post「前世情人抱住爸爸好冧」。有些演變成：囡囡是媽媽的情敵；而囝囝就是爸爸的情敵。小朋友出世後就變成情人or 情敵，或許真有些可憐，但這又會否反映另一種幽默，或是在形容小朋友的另一種可愛？
昨天情人節，潮爸一家外出辨年貨，發現好多couples去拍拖。可能去年剛遇着囡囡出世，都無暇留意，而且今年升呢做咗潮爸，情人節的意義改變咗，用另一個角度去睇情人節，覺得有點新奇，亦有一種特別的感覺！情人節是一個很特別的日子，因為大部份的節日，各大店舖都會減價吸引人們瘋狂購物，但唯獨是情人節會加價！普通一束花由原本幾百元加到$1000+，朱古力突然幾貴都有人買，某大型日本超市會有$90一粒的「白色士多啤梨」！
有心儀對象或伴侶的男士亦特別雀躍，情人節那天必定突然富有、突然慷慨、突然好動、突然衝動、突然健談、突然勇敢、突然浪漫......有着無限個突然、無限個驚喜、無限個可能！回想以往每年都費盡心思鋪排「情人節」的日子，動力和靈感都不知從哪裡來，真要慨嘆節日的魔力！
在辦年貨的時候，剛剛想問一下售貨員姐姐一些問題，身後突然閃出個西裝男：「唔該曬你呀！要粉紅色，送比女朋友做情人節禮物！」售貨員姨姨開心地説：「認得你把聲啦！粉紅色嘛。你真係最佳男朋友！」那西裝男買的是象印的燜燒杯0.75L。潮爸都係睇緊同一類嘢，不過係諗住用嚟裝糊仔比囡囡出街街嘅時候食。潮爸心諗，如果西裝男親自煲埋靚湯或靚粥或pack埋靚飯盒或靚糖水一併送埋，成功嘅機會如無意外應該極大！潮爸最後買咗個綠色0.36L嘅燜燒杯，太太用過話勁好用。另一對catch到潮爸attention嘅就係有個女孩子，手抱着一束用十多細細隻嘅「鬆弛熊」砌成嘅花，潮爸同太太都覺得幾ok！潮得嚟又實用，實用得嚟又幾特別，大家不妨參考一下。
情人節除咗同男女朋友過之外，有些人就會同屋企人過，有些會一大班人一齊過，在節日裡托出親情、愛情和友情。
