https://www.facebook.com/babyandpapa/posts/358875717631857
Happy 1st Birthday
囡囡終於一歲啦！在眨眼及經歴無限緊張+擔憂+鍛鍊+好玩+疲累+學習中，囡囡終於由嬰兒變成小朋友！心裡有一種說不出的舒暢，亦滿有放下心頭大石一般，如釋重負。潮爸和太太亦都有一份成功感，無驚無險，囡囡就大個囡！
太太早已請定假，並安排了一些節目同囡囡慶祝。中午等囡囡瞓夠，就坐車去中環坐摩天輪，欣賞維港景色。適逢平日，排隊的人不是太多，很快便上到摩天輪。雖然好多人話$100 HKD只得$15mins唔抵坐，但我們覺得值得，因為高處眺望維港，真的感受到香港的那繁盛！回想自己這次也是第三次坐摩天輪，第一次應該是在想當年的荔園，第二次就是在美國Six Flags嘅Farris Wheel，今次就在香港的維港。坐在摩天輪，有着種種回憶之餘，亦代表着一個新的開始！
摩天輪後，就坐車去Baby Spa。早前在BB展買的coupon，今日終於可以兌現！特價coupon包游水（暖水）、BB按摩、以及游泳尿片。這其實是潮爸及太太送比囡囡的第一份生日禮物！等囡囡舒舒服服 + 開開心心過第一個生日。早兩日已跟囡囡說來做Spa，等囡囡有心理準備。入到泳池區，除了暖水池帶來的暖，暖氣亦開着，避免小朋友冷親。店舖經理説今天是年三十，人們都準備做節，辦年貨或團年，特別靜，潮爸基本上係包場。在bench換好游水片片，頭上套上水泡，潮爸就慢慢放囡囡落暖水池，而BB媽咪，就當攝製隊，將整個過程拍成紀錄片！
囡囡平日最鍾意係「拍腳」，大家見到都叫潮爸快啲帶去游水，礙於去年夏天囡囡的年紀還小，另外太太又不太放心BB游泳池的水，所以等到現在才試游。一放落水，囡囡就勁開心咁不停拍手拍腳，又笑到「卡卡聲」，睇到BB媽咪勁開心！而潮爸就紮行馬，站在泳池旁邊，睇實囡囡，以防浸親。這個Spa，真是一個給小朋友放電的好地方。唔覺唔覺，就游咗30分鐘，上水然後過隔離盤度沖涼，抹乾身後，按摩師為囡囡massage了十分鐘。按按下，囡囡都差不多瞓着。
雖則話生日，但始終不能讓小朋友太攰。按摩完後就返屋瞓返幾小時，晚上再去會所食飯。
囡囡全日都笑笑口，好開心！有着一個非常充實的「第一個生日」！
