https://www.facebook.com/babyandpapa/posts/359449384241157
恭喜發財
踏入羊年，首先潮爸同囡囡影張相同各位讀者拜年，祝各位洋洋得意、喜氣洋洋、羊年吉祥，湊緊B嘅，在羊年BB快高長大、身體健康、聽教聽話！
為了準備新年，除了辦年貨外，亦做咗幾底蘿白糕，送給自己家人及外母之餘，若果有親戚朋友到訪拜年，就作招呼之用。潮爸在很多年前已會整蘿白糕，是早年跟潮爸的母親學會的，在此要感謝家母多年來的教導！潮爸推崇素食，所以這也是素食蘿白糕，除了蘿白及粉，還添加了紅蘿白、杏鮑菇、Soy protein及冬菇，可能及不上一些點心高手，但過到BB媽咪的味覺測試，都尚算可口！有些朋友會放木耳（更加爽口）或紅棗（甜甜蜜蜜）等，總之做菜之藝術豐儉尤人，對象啱口味就可以了！
今次太太親自刨蘿白，不消半刻鐘就刨完1500g的蘿白，好強！而潮爸就將蘿白及配料煮好，再攪勻，每底蒸1-1.5小時。最近天氣比較潮濕，為確保屋企乾爽，潮爸會開抽濕機，免得蒸嘢蒸到成屋水氣。過年前試咗一底做宵夜，其他留返新年送禮及自用。另外要多謝佐治在果欄買的熊本士多啤梨及特大蘋果，一切準備就緒，迎接新年！
大年初一，第一時間致電給嫲嫲及婆婆拜年。囡囡就好開心咁「嗲...嗲...嗲！」另外囡囡又好叻叻，一講「恭喜發財」就合埋雙手 + 笑笑口，外出拜年一定氹到人家好開心！
在此要特別鳴謝BB媽咪，拜年相相中的頸巾是BB媽咪早年前手織的溫暖牌。今年有拜年戰衣 + 溫暖牌 + 囡囡第一次拜年，一定好受歡迎！
