https://www.facebook.com/babyandpapa/posts/361668174019278
拜年
今年是囡囡的第一個新年，BB媽咪一早就襯好曬靚靚衫仔 + 鞋仔，每一日都著唔同嘅衫去拜年。囡囡特別鍾意著鞋仔，着嘅時候好定，好似知道著住鞋仔靚靚，著好鞋，企喺度，非常神氣！BB媽咪亦都曬冷headbands 及頭夾，帶定幾個出去拜年時替換。
由過年前兩星期開始，潮爸就教囡囡雙手合埋是「恭喜發財」！囡囡好叻叻，趕緊在新年前學會。一落到樓下，太太負責派利是，而潮爸就推住囡囡就周圍「恭喜發財」，實Q們見到囡囡咁叻叻，都情不自禁地封利是給囡囡。未出到街，經已逗咗好幾封利是。
今年有咗囡囡，看這個世界有點不同。以往只看到自己去拜年，現在會見到很多家庭去拜年。有很多家庭可能都會好珍惜農曆新年，因為年頭忙到年尾，只有新年這幾天可以休息一下，與親朋好友聚下。年青的及小朋友可能對過年沒太大感覺，除了「逗利是」那部分時間比較清醒外，大人在剝瓜子，打麻將的時間，可能會有點像渡日如年。
新年是開心的事，開開心心渡過吧！
囡囡去到婆婆及姨媽家拜年，姨媽勁開心！姨媽姨丈平日很忙，很少有機會見到真人。囡囡一招「恭喜發財」走天涯，氹到姨媽和姨丈笑到見牙唔見眼。姨媽家裡的廳特別大，大家都坐曬喺地下同囡囡玩，而囡囡見有咁大地方、又有咁多人陪佢玩，爬來爬去玩得好開心！因為好早就去到，囡囡要瞓返一陣差下電。可能玩得太High，好不容易才平復心情坐喺車車，在寧靜的書房瞓著。而潮爸早有準備，帶定Macbook 去做嘢，陪囡囡瞓覺。
囡囡起身後，潮爸就餵咗一餐裝滿燜燒杯嘅糊仔（見《前世情人》），然後再出去玩。當晚除咗拜年，姨媽還幫囡囡攪咗個小型生日會。真的要多謝姨媽！所以除咗拜年利是，囡囡仲有生日利是添！Thx Thx! 潮爸及太太每次去Functions前後都會同囡囡講：「要招呼人及錫人家，因為大家都好錫囡囡㗎！」而當然對囡囡的說話，亦是自勉自勵吧！
