https://www.facebook.com/babyandpapa/posts/362039493982146
生日會
新年除咗拜年，另外亦用差不多一個月籌備囡囡的生日會。人家都會覺得：「小朋友那麼小，開生日太誇張了罷！」其實今次攪生日會有幾個原因，第一，囡囡一歲；第二，湊B真係好辛苦，慰勞下太太及自己；第三，剛巧新年團拜，讓大家在生日會聚一聚；第四，舅父也在生日會當天生日；第五，多謝一些長輩一直以來的支持，請大家食番餐作道謝。
早前到一間新開的素菜館試新嘢，見食物質素Ok，環境及招呼都Ok，於是改天太太就找經理傾下個deal。幸好新年不是太忙，生日會的日期有空檔，價錢合理，潮爸及太太就扑槌及落訂。落訂已後，就密鑼緊鼓地，邀請朋友、設計邀請咭、與契媽商量場地佈置、印signage、finalise 當日menu、包裝回禮禮物、...... 希望各賓客都有賓至如歸的感覺。
潮爸和太太諗咗是次個生日會叫做"Green Tea Party"，安排了兩小時的素食Tea Buffet，沒有seating plan，亦沒有特別節目，讓大家可自由自在地享受食物及優美的環境之餘，亦能感受新年及生日的喜悅氣氛，並在相聚時間內舒舒服服的傾下計，交流下近況。
今次的場地佈置是契媽負責，契媽訂一個特大的氣球生日蛋糕、多隻肥嘟嘟的氣球綿羊及多個彩色氣球，BB媽咪就得出去幫手佈置，而潮爸就等囡囡瞓到last minute才出去，免得太攰。小朋友到達後看見那麽可愛的氣球，都興奮得不停尖叫。有很多很久沒見的朋友都可以趁機聚下。大人在餐廳內享受美食及傾計，而小朋友之意不在食，食咗小小就成班出咗去走廊玩！廚師為我們預備的8款點心、甜品及意粉，大家都吃得津津樂道，而餐廳都是推崇健康，飲料只有羅漢果茶、玄米茶及水。起初想，沒有汽水果汁（from concentrated）的派對，不知小朋友會怎樣，但大家都話不錯，小朋友話飲水都ok！（可能這正合很多父母心意，飲多啲水）派對最重要一環就是影相及切蛋糕，囡囡招呼咗賓客個半鐘，開始有啲攰，所以影集體相時有啲扭計，所以快快趣趣切給蛋糕就去瞓覺。
Feedback：一家大細玩得很開心，尤其小朋友。有些朋友Thank you，3-5pm，perfect timing，可以走下場。另外有一位朋友告訴潮爸對素食改觀，原來素食可以咁潮咁fusion！最後大小朋友「有得食，又有得拎」，有回禮禮物及有肥嘟嘟羊仔氣球，應晒節！而今次最開心可能是剛巧從美國返嚟嘅姨婆，第一次見囡囡及參加生日會，而囡囡又勁嗲嗲攬實姨婆！
在此再次衷心多謝各位撥冗來臨的賓客、勞苦功高嘅契媽及佈置團隊、素食餐廳的劉經理及工作人員、業餘的Pro Photographer -- 潮爸sister...... 希望日後有機會再聚！
