https://www.facebook.com/babyandpapa/posts/364745210378241
期期有新嘢
囡囡越來越大個囡，對外界事物越來越好奇，亦越來越多古靈精怪的表情及動作。
其實大家不要說小朋友甚麼都不懂，懂了可能大人也不知道。小朋友雖不懂表達，但每天不斷觀察，不斷學習。有一天，囡囡突然懂得「嘟」嘴！不知是否生理上開始可以控制到口部的多種活動？但人家見到囡囡「嘟」嘴，有些人會好開心，覺得好可愛；而有些就說：「咁醜怪！」然後就怪責潮爸：「好心你唔好教佢呢啲嘢啦！」有些人會説小朋友會小氣，唔好讚壞曬，靚都要講唔靚，叻又要講到唔叻。不知這些文化從那裡來，潮爸只覺得，適當的鼓勵都是人所期望的。
「嘟」咗嘴幾日，潮爸突然發覺到，囡囡好像已進入一個開始模仿的階段，那嘗試教囡囡一些新動作。有人喜歡教「飛吻」，而潮爸就教囡囡「眨眼」，係電人那種「眨眼」。囡囡學得好快，不到兩日就學會！學會後，看見姨媽姨丈就「電眼」，逗得他們很開心。之後每逢去街街，一見到人就「電眼」！坐電梯如是，買餸如是，坐地鐵如是，攪到四周的人都好開心。潮爸見唔對路，就多教囡囡幾個動作，等囡囡不會只會常常做「電眼」。
第三樣就是早前教嘅「恭喜發財」，（見《恭喜發財》《拜年》）。Practice makes perfect！有些人以為囡囡做「請請」，那潮爸就問：「甚麼叫「請請」？」朋友答：「請請咪請請囉！」Google一下，都沒有結果。不知是否在講古代打招呼的方式：「有請！or 請呀！」而用叠字教小朋友會容易掌握，所以就變為請請？
囡囡現在喜歡自己玩手指及摸人個面。有一天囡囡伸出食指及姆指指住潮爸，潮爸心血來潮，就教囡囡「ET接觸」。一掂埋隻食指，囡囡開心到尖叫！好攪笑！之後就順著囡囡可以控制嘅身體部分，而教不同的動作。主要體感為主，其次是指令。另外有一天BB媽咪幫囡囡換褲仔，條長褲仔除咗一半，囡囡竟然識踩下踩下踩甩咗隻褲，然後好開心跳下跳下！
期期有新嘢，其實每隔幾天就有新嘢。湊B的每天，都見証着BB成長的每一個細節；湊B的歷練，亦都與BB一起成長。
