https://www.facebook.com/babyandpapa/posts/365429200309842
笑中有累
最近與朋友傾返初初湊BB與現在有甚麼分別，朋友話最初潮爸都冇乜所謂，現在就越來越緊張。旁觀者清，有一些事情，自己總是會看不到。這回事可能是初為人父，真的有點緊張，（見《男人的怯》），在多重壓力驅使下，「冇乜所謂」，可能係下意識的一種減壓的方式或壓力的調節。當時初始終無經驗，而且唔係萬能，唯有經一事，長一智。經過，半夜無得瞓（見《戒夜奶》），打針發燒（見《打針》），撞親頭（見《頭盔》）及EQ + AQ 提升（見《脾氣》），總會學到一點點吧，更加謹慎實是正常。回想一下，囡囡一歲前，累其實多過笑。
而家囡囡已經一歲，基本上其實奶粉都可以唔駛飲，繼續清理啲貨尾，以及再有一個飲食緩衝期。另外最重要係囡囡實實淨，除咗著衫要就住，其他情況都可以放心。而反而對外會緊張啲。因為有些人覺得囡囡大個咗，實淨咗，叻叻咗，抱嘅時候就會比較鬆懈，整親嘅機會其實大咗。所以現在都是比信得過嘅親戚朋友抱，而且潮爸及太太有協議，若果比人家抱囡囡一定要在我們視線範圍內，及就算過咗手比人抱，潮爸都會企喺隔離，以防囡囡轉轉下身，腳撐撐，一不小心㧥手。
囡囡仲細，擔心始終會擔心，但以往的是「累」的憂慮，而現在多了點是「笑」的憂慮。悲喜交集，笑中有累，這就是人生罷！
