https://www.facebook.com/babyandpapa/posts/367040883482007
助學行（未識行篇）
一年一度的助學行又到了，上年因為BB剛剛出世不久，BB太太仍在坐月子，而潮爸又忙到甩轆，所以missed咗。故今年早就報了助學行，跟以往不同的就是今次是三人行。
首先多謝各位善長仁翁的大力支持，年青人們的慷慨解囊！今年的步行籌款的選址在石崗軍營至元朗河背村，大約一小時三十分可行畢全程。
今年三人行，潮爸早兩日已經同囡囡講咗會去步行籌款，去行山，行完就有錢捐給一些內地沒有錢讀書的小朋友。囡囡將來有書讀，別人又有書讀，大家都有書讀，那就很高興！囡囡聽到定曬，好似好明咁，跟住笑下，拍下手仔。步行籌款早上八時十五分集合，囡囡好興奮，5:30am已經起咗身，之後太太就6am起身泵一轉奶，而潮爸隨後就起身先餵囡囡一餐，再煮多一餐入落燜燒杯保暖，待助學行中場休息時食。著條靚裙仔，手織冷衫+infantino，暖笠笠地出發。早前朋友給予一架大BB車，終於大派用場！（用大BB車一定要潮爸及太太一齊出動，因為上shuttle潮爸收車，而太太就要孭囡囡，所以一定要帶孭帶）
坐MTR到錦上路，再轉旅遊巴入去河背村。到達起點，大家見到囡囡實際上未識行都已經參加助學行，都十分高興，而BB媽咪馬上幫囡囡搽BB專用嘅防曬，保護好BB皮膚！囡囡第一次來郊區好開心，一路行一路周圍望。而沿途都有助學行的朋友，突然比錢BB媽咪，說要贊助囡囡參加步行，非常感謝！因為囡囡早上5點幾已經起先身，所以出發後不到半小時，就在涼風習習+充滿清新空氣的環境下瞓咗。太太其實仲有啲感冒，不過都戴住口罩慢慢行，一路行，間中就用扇仔撥下囡囡，以防蚊蟲埋身。
這行山徑雖有上斜，有落斜，但對一般人來說都沒甚麼難度，一班朋友沿途傾下講下，都已到終點。對潮爸而言，今次都幾有難度，因為推住BB+大BB車，上上落落都要分外小心及分外吃力。凹凸不平的山路，好像進行越野挑戰賽，少啲技術都唔得！
到達中途站，太太就餵囡囡，而潮爸就到booth那邊拿一點食物充飢。在停下來用餐時，潮爸check過曬BB車內及衣物內沒有蟲蟻，在郊外多蚊多蟲，要好小心唔好比蚊或蟲咬到BB，而trigger到過敏反應！食完後，再出發前再搽多次防曬。最後一段係落斜，路都幾斜及唔係太平，是最辛苦的一程。最終終於捱過，囡囡順利完成第一次的助學（未識）行，good good！
