https://www.facebook.com/babyandpapa/posts/369971689855593
好用產品s · 續
眨眼之間已一年，潮爸及太太走過各大商場、藥房、BB用品店及online 零售店，搜尋各類好用的BB產品。暫時來說，都可以膽粗粗的說最新最潮！
之前《好用產品s》介紹過的尿片，奶樽，清潔劑及濕紙巾，今次想跟大家分享潮爸覺得好用的產品。
1. Ezerra 濕疹膏：如果由頭追開《潮爸湊b日誌》的讀者，就看知道囡囡初生時常常捽面，（見《捽面》），捽到流膿及流血，迫不得已要看醫生攞特效藥，搽咗好返七八成後就繼續搽呢一隻 Ezerra，臨瞓搽咗，第二朝就好返。囡囡識轉身後就冇再捽咁多面，因為隻手已經唔得閒，要掛住攞其他嘢玩。太太好強，見Ezerra是Made in Malaysia，馬上Facebook private message 住在當地的朋友有沒有呢隻藥膏賣。剛巧朋友買了機票與家人來香港旅遊，朋友很好幫我們買了4支，對返港幣是香港的半價（$150 HKD），超抵！Thx thx! 現在每逢囡囡皮膚太乾或不自覺抓損面仔，就即刻搽，好快好及潤住面仔。
2. 換片墊：由第一日太太從朋友處拿回來，潮爸就覺得勁好用。夠大+夠厚，一面係布，一面係膠，防水得來又夠柔軟又夠輕。換片仔用膠的一面，清潔衞生；冲完涼墊住抹身及著衫，用布的一面，BB舒服啲。可以放入洗衣機洗，洗完超快乾。是甚麼牌子，不知道，總之好嘢！
3. 吸鼻管：BB總會流下鼻水，鼻塞塞。唔係淨係傷風才有鼻鼻，喊到流鼻涕，鼻涕會留在鼻腔，乾咗就變成鼻鼻塞住，令到BB很不舒服。要吸返出嚟，BB用品店有多種吸鼻器，潮爸不喜歡一般好似相機噴鏡頭嗰啲泵，因為睇唔到吸唔吸到同埋吸咗幾多。這個「人口」吸鼻器有條透明管可以睇到吸咗幾多，中間有個蘋果shape嘅位用嚟分開吸管及鼻管，免得鼻水流去吸管。另外中間位可以分開為兩部分，容易清洗。
4. 烚奶器：這個烚奶器早前都提過（見《洗樽》），是朋友給與的，雖然朋友已用了一段時間，但仍然working perfectly fine。一般烚奶器只是有蒸氣消毒，十多分鐘就烚完，而潮爸這個有「風乾」功能，開機一次要差不多一小時才停，但烚完的奶樽就很乾爽，沒有水氣在奶樽內，非常方便。而且size夠大，可裝六個8oz奶樽（narrow neck)，奶咀，樽蓋及所有泵奶器配件，多謝Emily姨姨！
5. 特別嗚謝 Jakewell，在BB展太太看中了一款床單，親手摸過，就馬上愛上了。但那天剛剛售罄，之後就收到3張不同顏色的的床單及1張床墊，而紫色那張是「2合1天絲防水床單，面是Tencel，而背面就是polyester。洗淨後太太馬上換落BB床！潮爸摸過都真是好柔軟，裡面是防水質料，濕咗都唔怕。非常感謝！
BB產品層出不窮，有機會再跟大家分享。