https://www.facebook.com/babyandpapa/posts/377046749148087
陪月（第二課）· 續
洗頭步驟：首先用腋下夾著BB（潮爸用左手），然後用手腕托著BB頭及頸，而手臂托着BB的背脊，手指輕按着耳背以防耳任入水。托穩BB後，用另外一隻手拿紗巾或手巾仔幫BB洗頭，有些用旋轉式洗頭，有些就很簡單沾些有洗頭水嘅水抹幾下，視乎天氣及BB頭髮多少。有些BB有頭泥，不要用力擦拭，用橄欖油潤返就可以了。緊記緊記！初生嬰兒頭及頸最重要，任何時候抱起+抱住BB或放低BB都要托頭，潮爸都抱過一些BB，2-3個月條頸都唔係太有力，視乎個別BB發展情況，總之最緊要頭和頸。
洗澡步驟：脫下BB衣服/毛巾及尿片，用手托穩BB腋下（潮爸用左手），前臂托着頭及頸，另一隻手捉住BB對腳，跟着放落水。 用紗巾或手巾仔洗身、手及腳、頸、腋窩、生殖器部位及身體的皺摺位。洗背部：用右手在前面捉住BB腋下，手臂托着頭及頸，用左手洗背脊及臀部。洗完就回復原先手勢抱反BB上水，立即放落毛巾印乾，記住印乾皺摺位。（初生BB會收水及甩皮，不須用力不停捽，2-3星期會換曬皮）跟著就著片片，繼而和尚袍（記緊穿衣袖時是衫著人，掹係掹件衫，唔係BB隻手，小心扭親BB），之後再用包被包住。攪掂！
沐浴安全：整個洗頭沖涼過程不要超過10分鐘（避免冷襯），水溫不可太高或太低，室溫不宜太低，洗頭沖涼都有梘，要小心滑手，最重要：不可獨留BB在浴盆，1秒都唔得！！
其實沖涼就等於幫BB按摩，所以好舒服，好開心。有些媽咪會平日幫BB按摩，如了沖涼就不必了。
陪月員或大部分屋企都會在晏晝幫BB沖涼，但潮爸卻堅持夜晚沖，因為等太太回家，可參與沖涼前除衫及沖涼後搽cream著衫那部份，而太太就好enjoy幫囡囡搽cream，搽完滑滑淨+香噴噴！附圖係囡囡剛出世，在家第一次洗頭，之前在YouTube睇咗十幾次幫BB洗頭沖涼的片段，先搵囡囡做真人示範，成功！想睇返有關潮爸幫BB洗頭及沖涼（見《幫BB沖涼》及《洗頭》）。
