https://www.facebook.com/babyandpapa/posts/386542411531854
潮爸Birthday
唔好意思，與大家正在上陪月課之際，請容許潮爸加插這篇《潮爸Birthday》。
去年生日，潮爸湊b日誌還未出世，當時囡囡都係一個月大多啲，第一次同潮爸慶祝。今年潮爸生日，囡囡13個月多啲，早前教完囡囡恭喜發財後（見《恭喜發財》），之後就教囡囡「生日快樂」，係用兩隻ET手指指住兩邊臉豬仔（附圖一），囡囡可能太興奮，最後ET手指指咗去耳仔度，但不要緊，仍然非常可愛！
潮爸生日前兩星期，太太問今年潮爸想要咩禮物？如果調返轉問係男方問，一般媽媽可能會答：「我咪幫你生咗，送咗囡囡比你囉！」所以曾經在情場浮沉過的潮爸，係絕對唔會問這類型的問題。加上人生到了湊b階段，focus好自然放在小朋友身上（見《Happy 1st birthday》），所以答太太：「都沒有甚麼特別想要。」有一天去Tom Lxx買Audio USB device（用嚟做錄音），突然間發現AKG headphone減價，半價都唔駛。那就向太太申請「豁免」買嘢禁制令，買咗個Focusrite + AKG Headphone。攞住兩大盒「東西」回家給太太過目，太太都很善良地說了一句：「這就是你的生日禮物！」所以話唔Shopping尤自可，一Shop就中曬招！
潮爸番查歷史，原來三年前去美國honeymoon的時候，生日禮物也是headphone!
雖然早咗兩星期，不是在生日正日收禮物，但都冇所謂，早買早享受。
到生日正日，早上BB媽咪好忙沒有請假，叫囡囡同潮爸做咗「生日快樂」手勢，就上班去。那潮爸早上就帶埋囡囡去遊新開不久的西營盤站，發覺除了站的顔色及店舖的位置有分別外，基本上與HKU站差不多。行到中午，到一間「隱世」的vegetarian restaurant 與朋友食lunch。囡囡自己坐喺BB車玩，朋友都話好少見BB可以靜靜地自己坐喺度玩。本來潮爸打算是請朋友食lunch（朋友應該不知潮爸當天生日），但埋單時朋友請，話早上check咗Facebook就知道了。真有點不好意思！Thank you thank you！
食完後，就帶囡囡回家休息，出咗去成朝，要瞓返一陣，待晚上再外出用膳。
今年BB媽咪幫囡囡訂咗私房菜給潮爸慶祝，今次咁啱好似早前在囡囡生日那天去babyspa一樣，剛巧有兩個bookings cancelled，變咗包場！太太今次book了西班牙的私房菜，可以order全素食。囡囡去到有得坐BB凳，坐到同潮爸一樣咁高，另外又有膠碟及膠杯仔玩，好開心！想特別一提的是炸椰菜花球+yogurt汁，值得一試。最後到潮爸吹蠟燭，幾十歳人慶祝生日，特別鳴謝食家級太太及用ET手指講生日快樂嘅囡囡！
現附上私房菜menu，大家不妨一試！
