https://www.facebook.com/babyandpapa/posts/392834820902613
大遷徙 · 續（相聚一刻）
搬去寶島，話遠唔遠，話近唔近，始終都要坐一程飛機先到。雖然現代科技進步，有Facebook, Skype, Viber...等等，可以隨時隨地聯系，但見開冇得見，大家都好唔捨得。尤其是囡囡出咗世，大家都好錫囡囡。舅父有時專登出一出嚟見BB，姨媽每次打比BB媽咪都係問住囡囡點？朋友食飯都離不開湊b經，講到興起就話：「真係想即刻抱下你個B！」
潮爸男人大丈夫，天涯何處若彼鄰，雖有少少唔捨得，但握下手，拍下膊頭，又向新一個里程碑進發！而感性的太太，每當飯局快完結，煽情場面就嚟，差不多每次都比大家整到喊曬！（唔喊都眼睛水汪汪）大家錫完囡囡，再講拜拜又再錫多幾啖，好唔捨得！最後異口同聲都說：「回來跟我們講普通話啦！」囡囡用頭仔錫下大家，下次就台灣見啦！
自家人、老闆、親戚、朋友.... 飯局過後，最大的工程終於來臨，就是--packing! 雖則有搬運公司幫忙，但很多東西都要自己執拾。一開始梗係執曬囡囡啲衫褲鞋襪、尿片、奶樽、牙刷、被仔，另外要pack埋BB床及床褥。去之前最大的concern：住酒店，有BB床，但冇得煮食；住Service apartment，有得煮食，冇BB床。朋友問：「做乜要煮嘢食？」潮爸答：「囡囡現在要食兩餐糊仔/粥仔or solid food，加兩餐鮮奶（BB奶粉已戒），外面的東西味道太濃味BB不宜，所以一定要自己煮。」故潮爸及太太經一輪商議後，決定到台灣後先住一個月Service apartment（自己carry BB床），再慢慢找房子。
Packing 公司早咗45分鐘到，潮爸及太太都未起身，因為前一天pack囡囡的日用品、證件及文件、太太返工OL戰衣、返新工用的新手袋（太太返工的Super OL 形象）及'cake lick 卡勒'嘢，執到4 am（太太仍然餵緊人奶，更要一路泵奶一路執），大家都攰到癲咗！Anyway，瞓少幾粒鐘撐掂佢！因為搬嘢塵多及紙箱橫飛，早上已請婆婆先推咗囡囡落去商場行街，免得做吸塵機；另外搬運的多是大隻佬，突然咁多個鏢形大漢入嚟搬嘢，驚嚇親囡囡，所以撤離現場比較穩陣！
Pack咗近8小時，終於攪掂，pack咗一共有88箱！經典！
