https://www.facebook.com/babyandpapa/posts/393441304175298
大遷徙 · 續 · 續 （捨不得您）
Pack好曬，潮爸一家在屋企附近住了幾晚酒店，留下雪櫃、煲及其他家庭用品待上機前一天入倉，原因都是為了回去煮粥仔比囡囡食。囡囡好快適應住酒店的生活，可能五個月大的時候已去過旅行（見《旅行第一天》至《盛夏之桃》），以及初生時都是用baby carrier四周圍去，走到酒店張大床，好興奮！
早上請婆婆到酒店同囡囡玩，然後潮爸就與太太回家整嘢比囡囡食，放在燜燒杯保溫，攞返酒店比婆婆中午過後餵囡囡，跟住就外出攪埋啲文件，順便偷幾粒鐘出去拍拖，因為去到台灣只有either潮爸or太太湊住囡囡，冇人幫手睇住。朋友知悉我們在酒店，10：30 pm都話要上嚟睇囡囡，那潮爸就買定糖水招呼，一傾就傾到2 am。搬家咁大project，其實囡囡的作息及飲食時間已經亂咗，總之有時間就叫囡囡瞓，隔數小時就食一餐，忍耐多幾日，到台灣settle down先調節番啲時間。最後一日喺屋企煮粥仔比囡囡，真有點不捨得！由太太大肚、整酸薑、整薑醋、到囡囡一歲，以及很多人和事都在這裡渡過，很多美好的事物會永遠被懷念......
多謝BB姨丈載潮爸一家去機場，以及親戚朋友嚟送機！太太生咗囡囡，潮爸又成為潮爸，囡囡又已經14個月大，都大個仔大個女，大家不必擔心。姨婆好少見囡囡，所以特別唔捨得！朋友看見眼淺位：「唔好望，好難忍！」BB媽咪忍淚影多幾張相，就入閘。而囡囡就突然識得扭下扭下隻手仔講：「艾艾！」（係Bye bye）大家都即刻笑番！
如果囡囡聽過Sammi呢首歌，心情一定係：我捨不得您∼A∼Ya，無奈我要創造未來......
網絡無界限，雖然到外地，但《潮爸湊b日誌》會繼續緊守崗位，與大家分享湊b經歷。
