https://www.facebook.com/babyandpapa/posts/430231190496309
蓋被
除咗餵奶及換片，另外有一樣嘢大家會最緊張，那就是怕BB「冷親」！就初生BB頭三個月，大概都是用包被包住BB。囡囡冬天出世，平時沖完涼會著2-3件和尚袍，然後包張薄被仔，有時外面再包張厚被仔，紮到成隻糭咁。當BB再大啲，開始腳踢踢，手仔開始周圍郁，就要蓋被仔。一開始蓋被仔，都唔會點郁，但跟住再大啲，開始識轉身及勁踢腳仔，就好容易踢開曬啲被。囡囡細細個就鍾意「拍腳」（人家都説其他BB鍾意拍手，但囡囡鍾意拍腳，直到識企，隻腳唔得閒先學拍手），一蓋被仔，不夠2分鐘就踢開曬。
潮爸見狀，馬上與太太商討對策！在家只找到兩張厚一些的被，剛好姨丈從澳洲回來又買咗張被仔比囡囡，搵搵下又搵多一張被仔，總共四張備用。天氣凍時或夏天開冷氣，瞓覺前，先幫囡囡著多一些衣服，等囡囡瞓着後，先蓋一張被，踢開咗，（如果冇責住，就蓋返同一張被；但通常都會責住咗）為免嘈醒囡囡，就再另外蓋一張被..... 如此類推。通常如果囡囡瞓得「冧」，三張被都夠，但如果有時喺床仔轆來轆去，就可能要用曬四張。如果連到第四張都「賦」埋，潮爸就會抱起囡囡，看看有沒有不舒服，輕力拍幾下，然後轉個床頭，那之後通常就瞓到天亮。
BB床仔是不應放太多東西，有些人會放好多公仔，其實都不建議。潮爸覺得最重要是不時要留意BB，初生時隔十多分鐘望下睇下有沒有嘔奶；大個啲識轉身，又要隔一段時間望下，睇下有冇「賦」被，或者轉下轉下轉咗去角落頭，或面仔貼住咗個床邊；或者有冇比啲被蓋着頭。不要太急於戒夜奶或想BB一覺就到天光，多觀察BB在晚上的動靜及需要。
囡囡剛一歲兩個月的時候，有次有個朋友對潮爸説：「小朋友要學獨立，唔好比佢咁黏身，要學習自己一個在房間瞓。」首先潮爸覺得有些小朋友黏身，是性格上本身是這樣，不是故意溺愛的，問題都不太，小朋友要安全感，在可取或適當的環境下，都要給予。另外，每個小朋友都有點不同，視乎個別發展程度，有個時間的range，有些一歳半歲人仔，就期望獨立；有些很大個仍然要用奶樽或餵飯，那是對？那是錯？都很難有絕對。多點做資料搜集，歸納各種意見，明瞭how to make the knowledge applicable ，能做多一點點及用心去practice更好，大人+小朋友都能得益。
現在囡囡已十七個月，太太半夜起床也會望下囡囡，而潮爸有時都夜瞓早起，不讓BB unattended 的時間太長。Make sure有蓋被，避免「冷親」。