https://www.facebook.com/babyandpapa/posts/438501299669298
絕招
囡囡越來越大個囡，生理感官發展得很快，已不像細個囡時，吃東西就可以滿足所有感官。有一段時間都幾難攪！坐著餵囡時，囡囡會四處張望，又玩手玩腳，又唔肯扣安全帶，食食下又要企高（在High Chair 企高，朋友看見都戥我們驚驚！太太有位同事跟我們吃飯，見囡囡企高，直程話唔敢望），郁手郁腳，唔覺意就碰到隻羮，跌曬又要抹又嘥咗，總之好不容易才餵到一口。曾經有位朋友見狀説：「係咪你整啲嘢唔好食？加啲鹽加多啲味落去啦！」當然潮爸一聽就知這位朋友未照顧過小朋友。由初生到一歳多，在未introduce 大人比較濃味的食物之前，在味覺上沒有比較，大概都是肚餓就吃。囡囡用餐時坐唔定，是一個階段，不是不吃，而是要一面玩一面吃。潮爸試過給玩具，不過作用不大，因為同一時間，這年紀也是一個掉東西的階段，餵一餐飯仔要收拾掉下來的玩具三四十次，實是無謂！那潮爸就不得不用絕招，就是「iPad播歌仔」！
一聽到iPad，媽媽級就會說：「唔好給小朋友睇，睇壞眼！」所以潮爸只是用iPad distract 囡囡其他感官感覺，或只令她focus 一點可以坐定定，讓每餐都基本上可安坐多一點。把iPad (iPad mini) 放在囡囡2-3尺外，第一，不會太近影響眼仔；第二，不會讓小朋友觸碰到iPad。 之後用YouTube search "kid songs"，有很多兒歌就會彈出，潮爸就通常播ABC。跟著play，但不要放full screen，比多一些聲聽下。很快就餵完大半碗，見好即收，停咗YouTube，跟著就餵埋小半碗，那就不用讓一碗飯仔要餵成粒鐘。有時都不一定那麼順利，如果餵到碗飯仔凍咗，就煮熱；來到台北天氣潮濕，家中不時有果蠅，要打醒十二分精神，餵一口還要馬上蓋著，免得果蠅掉進去就麻煩了。
