https://www.facebook.com/babyandpapa/posts/554677684718325
(Washroom)
https://www.facebook.com/babyandpapa/videos/554678248051602/
(GrandMa Buy Food)
https://www.facebook.com/babyandpapa/videos/554679308051496/
可唔可以靜啲
在結婚後，未生小朋友之時，人家都會追著問：「幾時生？」新年去拜年，一定被祝福：「年生貴子！」然後奉上全盒，並特意把「蓮子」轉到面前，拿蓮子吃或不拿？心裏真有種To be or Not to be嘅感覺！有些長輩或過來人，見潮爸的表情百般無奈及無言以對，跟著就再接再厲的發表：「有小朋友，屋企熱鬧啲嘛！」
「熱鬧」與「嘈」，其實是一線之差，大家都好明白，而這條線就畫在每個人的心中。
BB剛出生時，抱BB從醫院回到家，帶來的卻是一份窩心的恬靜。為了讓BB建立安全感，除了一般的交談聲，都盡量回歸寧靜。在每一個湊B半夜餵奶的夜晚，有著無言的寂靜。坐完月後，weekends就有太太的親戚朋友上來探BB，weekdays就有潮爸的親戚朋友到訪，幫BB換片餵奶及不停翻熱薑醋給朋友們，手忙腳亂之中，潮爸真正感受到BB帶來的熱鬧和喜悅。
在Terrible 2前，囡囡説話越來越多，都覺得家裏越來越熱鬧，但在Terrible 2後，慢慢開始覺得失控。
每天起床，DadDad食奶奶食奶奶食奶奶食奶奶食芝士食芝士食芝士食芝士食芝士食芝士，叫到給她為止...
潮爸在洗手間，DadDad去廁所？DadDad去廁所？DadDad去廁所？DadDad去廁所？回應了：「係呀！」仍繼續問：「DadDad去廁所？DadDad去廁所？DadDad去廁所？」
媽媽拿著飯飯，囡囡叫：「DadDad餵！」
DadDad拿著飯飯，囡囡叫：「嫲嫲餵！」
嫲嫲拿著飯飯，囡囡叫：「媽媽餵！」
玩嘢man！真是轉軚都轉唔切。
媽媽拿著牙刷準備幫囡囡刷牙，叫嚷著：「囡囡刷，囡囡刷，囡囡刷，囡囡刷！」媽媽說：「媽媽幫囡囡刷先。」再叫嚷著：「囡囡刷，囡囡刷，囡囡刷，囡囡刷！」然後爆喊！
潮爸在煮飯，囡囡叫嚷著：「DadDad陪囡囡玩車車。」潮爸繼續煮飯，囡囡叫嚷著：「DadDad陪囡囡玩車車。DadDad陪囡囡玩車車。DadDad陪囡囡玩車車。」
囡囡很喜歡食水果，
每日都問潮爸：「囡囡食藍莓。」
潮爸說：「未買藍莓。」
每日都問潮爸：「囡囡食Guava。」
潮爸說：「食晒Guava。」
每日都問潮爸：「囡囡食Apple。」
潮爸説：「未買Apple。」
每日都問十次八次，每次都是潮爸在想東西或講電話的時候問。真是頭都爆！
囡囡還有一句：「嫲嫲落街街買嘢比囡囡食！嫲嫲落街街買嘢比囡囡食！嫲嫲落街街買嘢比囡囡食！」不停在loop，不過嫲嫲覺得很窩心，尚算可以。
還有很多，不能盡錄。潮爸也很了解，小朋友在學説話，每次學到新的句子，也會很興奮。不單是父母想跟子女溝通，小朋友都想做大人的事，跟大人溝通，所以做對了，就不停loop！
現在每個晚上，臨睡前都會跟太太說囡囡情況，每晚都既開心（囡囡學到新事物）又無奈地説：「其實可唔可以靜啲呀！」太太都半諷刺 + 疑似勉勵地説：「唔通你想囡囡咩到唔講咩？囡囡咪似你囉！（見《潮爸湊b日誌 - 第18期 - 予欲無言》www.babypapa.hk）」
古語有云：「靜極而動。」而apply到潮爸上，可能就變成「靜」極而「嘈」... ... ... ... ... 共勉之。
