https://www.facebook.com/babyandpapa/posts/384210115098417
陪月（第四課）· 續
這個陪月課程，真的有很多資料，可能大家湊b時都沒有遇到那麼多的情況，但作為陪月，會照顧很多小朋友，各有不同的情況，先學曬，到時若能處理，媽咪一定會很開心。
第一
頭泥：皮膚呈微紅，有黃色鱗狀頭屑。
護理方法：盡量用清水清洗，可試用橄欖油。切忌用力抓刮！
第二
尿布疹：紅斑紅疹發炎擴散，出現於穿尿片範圍。
護理方法：勤換尿片，避免使用濕紙巾或爽身粉。考慮轉尿片牌子，風乾屁股仔10至15分鐘才著片片。有時去咗便便大人唔知，噏住屁股仔，尤其餵人奶BB，便便會多啲，勤啲檢查。
第三
嘔奶：進食後一段時間，噴射狀嘔吐。
護理方法：用防胃氣奶樽或每餵半支奶便掃一掃風，不要一次過餵太多。如持續性嘔吐及脫水，立即睇醫生。
（囡囡只係嘔過兩次，一次係食完奶後玩得太劇烈嘔奶；另一次就是食完糊仔，餵水水時吞得太快濁親，噴射式嘔返啲糊仔出嚟。大家不妨也留意一下。）
第四
眼膠：啫喱狀分秘物
護理方法：保持清潔，潮爸用熟水及棉花球由內抹向外。
第五
黃疸：皮膚及眼白發黃，初生嬰兒常見現象。
護理方法：跟appointment回去醫院檢查，便便順暢會令黃疸減少。如黃疸惡化，BB唔肯食嘢，就立即睇醫生。
第六
哭泣不停：本能反應，有生理需要及唯一溝通模式。所以不必怕BB喊（見《喊聲》），盡量去理解BB所需。（見《我唔陪你啦》）
處理方法：冷靜，溫柔回應BB，測體溫及檢查全身。
特別情況：持續啜泣，有發燒症狀，臉色不佳，盡快睇醫生。
潮爸覺得，湊b真的是似易而其實是極度困難！誇張少少BB真係每一個小時都有啲唔同，有唔同需要，每次換片片啲便便都唔同，有時隔15-20分鐘就喊一次。所以囡囡初生頭一個月時，真係打醒十二分精神，任何事都一定要保持冷靜，在混亂中尋求一個最好的方法處理各種突如其來的變化，加上冇得瞓已經練成金睛火眼！
雖然辛苦，有這經歷及BB瞓醒後，眼仔look look笑曬嘅時候，就會覺得非常值得！